UNAWAIN NATIN

Basahin at unawain ang isang kwento. Sagutan ang mga katanungan sa ibaba. (
Isulat ito sa sagutang papel)
Ang Lakbay Aral sa Paaralan

Martes ng umaga, nagkaroon ng lakbay aral ang pangkat Cruz sa loob
ng paaralan. Pumipila sila palabas ng silid-aralan. Tahimik at marahan lang silang
lumalakad sa pasilyo para hindi sila makaistorbo sa ibang mag-aaral na kasalukuyang
may klase.
Una nilang pinuntahan ang palikuran. Nananatiling malinis ito at nakalagay
ng maayos ang mga gamit sa isang tabi. At ipinaliwanag ni Gng. Cruz ang

2

kahalagahan ng malinis na palikuran, dapat linisin ito pagkatapos mong gamitin para
sa kapakanan ng susunod na gagamit.

Pumunta sila sa silid-aklatan. Tuwang-tuwa sila ng makita nila ang
maraming aklat na maayos na nakalagay sa mga kabinet. Kapag tayo ay nasa loob
ng silid aklatan dapat nating sundin ang mga tuntunin o patakaran dito.
Pagkagaling nila sa silid-aklatan, nagtungo sila sa kantina at doon nakita nila
ang magandang kaayusan ng mga batang namimili, dahil nakapila sila nang maayos.
Habang sila ay nag-iikot napansin nila ang tahimik, malinis at maayos na
kapaligiran . Ito ay tanda na ang bawat mag-aaral ay may disiplina sa sarili, na dapat
tularan ng ibang mag-aaral na makikita sa kanilang taglay na magandang kaugalian.
Tuwang- tuwa ang mga bata sa kanilang paglalakbay- aral dahil marami
silang natutunan na magagandang kaugalian na dapat nilang isapuso, isa-isip, at
isagawa.