Answer:

"Paggalang Sa Buhay"

Sa aking pagmulat sa katotohanan ng buhay,

Ito'y maihahalintulad sa iba't ibang kulay.

Pula, berde, asul na kulay ay kay saya,

Itim ang kulay na di kaaya-aya.

Sa pag-agos ng daloy ng buhay,

Kay daming pagsubok ang siyang ating taglay.

Sa mga pinagdadaanang problema at pagdurusa,

Hindi maiiwasan na tayo ay mapaluha.

Sa pagsibol ng bawat bahaghari,

May kakaibang sigla na di mawawari.

Mapaisip sa mga ala-alang magaganda,

Karanasang inaasam palagi sa tuwina.

Sa paglipas ng panahon at oras,

May mga bagay din na kumukupas.

Mga pangyayaring pinaghihinayangan,

Subalit ang buhay ay talagang ganyan.

Sa awiting gulong ng palad,

Buhay ng bawat tao ay maihahalintulad.

Minsan sa itaas, minsan sa ibaba,

Ang mahalaga mapanatili na maging mapagkumbaba.

Pasasalamat ang aking palaging sambit,

Sa mga biyayang bigay na walang kapalit.

Sa Poong Maykapal, ang aking laging hiling,

Buhay na puno ng pag-ibig kung saan pamilya ang aking kapiling.