Answer:

Mahahalagang pangyayari sa Death March

Isang araw pagkatapos bumagsak ang Bataan sa mga Hapones, ay tinipon ang may

70,000 sundalong Pilipino at Amerikano sa Mariveles Airfield sa Bataan. Pinuwersa ng mga

Hapones na pagmartsahin ang kanilang mga bihag mula sa Mariveles, Bataan hanggang San

Fernando, Pampanga. Mula rito ay sinakay sila sa tren at dinala sa Camp O’Donnel sa Capas,

Tarlac.

Pinalakad sila ng walang inumin at pagkain. Dumanas ng gutom, uhaw, pagod at sakit ang

mga bihag na mga sundalo sa pagmamartsa patungong San Fernando. Ang ilan ay napilitang

uminom ng tubig mula sa mga kanal na kanilang nadadaanan. Pinagmartsa sila sa kainitan ng

araw at ang sinumang kukupad-kupad ay tinortyur hanggang mamatay. Binabayoneta ang mga

sundalong hindi na makalakad at hinahayaang mamatay sa daan. Marami sa kanila ang tumakas.

Ang mga nahuling tumakas ay pinagbabaril. Ipinagbabawal ding tumulong ang mga sibilyan sa

mga sundalong kabilang sa martsa. Lahat ng mga nakaligtas ay isinakay sa tren patungong

Capas, Tarlac subalit marami sa mga sundalong bihag ang nangamatay dahil sa kawalan ng

hangin sa kanilang sinasakyan.

Ang mahalagang pangyayaring ito sa kasaysayan ay kinilala bilang Death March o Martsa

ng Kamatayan

Explanation: