Panuto: Punan ang patlang ng mga angkop na salita upang mabuo ang diwa ng bawat pangungusap. Piliin ang sagot sa loob ng kahon. Isulat ang sagot sa iyong sagutang papel. 1. Ang kabihasnang Sumer, Indus at Tsina (Shang) ay umusbong sa halos magkakaparehong katangiang heograpikal ng lambak-ilog. 2. Ang mga sinaunang kabihasnan ng Sumer, Indus at Shang ay may mga sistemang pulitikal, panrelihiyon at paraan ng pagsulat. 3. Ang tatlong sinaunang kabihasnan ay may lungsod na sentrong pampulitika at panlipunan. 4. Ang mga lungsod ay may sentralisadong pamahalaan na pinamumunuan ng mga paring-hari. 5. Ang mga nahukay na mga labi (artifacts) ay nagpapatunay ng pagkakaroon ng organisadong pamayanan, planadong kabahayan at kalsada at uring panlipunan. 6. Ang pagkakaimbento ng mahahalagang kasangkapan katulad ng araro, decimal system, potter's wheel, lunar calendar, mga likhang sining at ispiritwal gaya ng ziggurat, palamuti, alahas, sandata, tapayan at iba pang kagamitan ay lalong nagpaunlad sa mga sinaunang kabihasnan. 7. Hanggang sa ngayon ay wala pang malinaw na datos ukol sa Kabihasnang Indus sapagkat hindi pa nauunawaan ng mga eksperto ang kanilang paraan ng pagsusulat na pictograph. 8. Ang kabihasnang Sumer ay pinaniniwalaang naglaho dahil sa pananakop ng ibang grupo. Samantalang ang Kabihasnang Indus ay posibleng naglaho dahil sa ekolohikal na problema gaya ng pagkaubos ng puno, labis na pagbaha at biglang pagbabago ng klima. Sinasabi ring posibleng nagkaroon ng malakas na lindol at pagbaha o pananakop ng ibang tribo.​