Answer:

Sa oras na magkaroon ng lindol, bagyo, malakas na pagbuhos ng ulan ay mahalaga ang may sapat na mga impormasyon upang malaman ang mga wastong aksyong gagawin sa oras ng kalamidad nang sa gayon ay mapangalagaan ang sariling buhay at ang mga ari-arian.

Mga Kahandaan kung may Bagyo

Mag-ukol ng mahalagang pansin sa mga palagay tungkol sa panahon ng bagyo at malakas na pagbuhos ng ulan (buwan ng Hunyo hanggang Oktubre). Kung may papalapit na bagyo sa inyong lugar, bantayan ang mga ulat sa panahon at mangyaring sundin ang mga sumusunod na paghahanda:

Sa oras ng pagkawala ng koryente, maghanda ng flashlight, portable radio at bagong battery para dito.

Mag-ukol ng pansin sa mga palagay tungkol sa panahon sa pamamagitan ng radyo at TV.

Patibayin ang mga bintana at siguraduhin na sarado ang tabing ng mga bintana.

Itabi ang mga bagay na madadala ng malakas na hangin kagaya ng mga halaman sa paso o ang sampayan ng mga damit o itali ang mga ito nang matibay o mahigpit.

Huwag lumabas kung hindi kinakailangan.

Sa mga lugar na madaling bumaha, ilagay ang mga kagamitang bahay sa mataas na puwesto.

Maghanda ng mga pagkain, inuming tubig, kagamitan o panustos sa paggagamot at iba pa

Ihanda ng mga pagkain at mahahalagang bagay at iba pa para sa mabilis na paglisan.

Sa mga delikadong lugar na maaaring magkaroon ng baha, maghanda nang mabilis na paglikasan sa anumang oras. (tingnan ninyo ang hazard map ng pagbaha)

Alamin ng maaga ang lokasyon ng mga itinatag na Emergency evacuation place at Evacuation shelter na nasa official website ng Nagoya city o sa ward office.

Mga Kahandaan kung may Lindol

Mahirap hulaan ang pagdating ng lindol. Samakatuwid, mahalaga na ipagpatuloy natin ang mga nararapat na paghahanda at ang dapat gawin sa oras ng kagipitan. Mangyaring sundin ang mga sumusunod na pang-araw-araw na pag-iingat:

sa panahon ng kalamidad.

Kung Sakaling may Lindol

Kahit na anong hinahon sa pang-araw-araw na buhay, maaaring mataranta sa oras ng mga kagipitan. Para maging mahinahon, ang mga sumusunod ay dapat pag-aralan upang maging bahagi ng inyong ugali o asal:

Pag lumindol ng napakalakas at hindi kayo makagalaw, huwag muna kayo kumilos, umupo lamang at iligtas ang ulo ninyo.

Pag kaya ninyong kumilos, pangalagaan ang inyong ulo sa pamamagitan ng pagsuot ng helmet o malambot at makapal na panapin, at magtago sa kuwarto na pinatibay ang mga gamit para hindi tumumba o sa ilalim ng matibay na bagay kagaya ng mesa.

Buksan ang pintuan para siguradong makalabas.

Isara ang gas at patayin ang apoy pag tapos ng paglindol .

Mag-ingat sa bumabagsak na mga kristal sa loob ng bahay.

Kung lalabas ng bahay, maging mahinahon.

Maghanda ng mga daanan sa paglikas, at lumikas patungo sa pinakaligtas na daanan.

Magtamo ng wastong kaalaman sa pamamagitan ng radyo at TV.

Mag-ingat sa mga guho na galing sa mataas na lugar o bundok at laki ng tubig sa dagat dulot ng tsunami.

Ukol sa Tsunami

a oras na mangyari ang lindol, ipahayag ang babala sa tsunami ng Isei o Mikawa Bay, may babala sa napakalaking tsunami, ay magbibigay ng utos ang lungsod ng Nagoya sa mga (※) ward o lugar sa paglikas at papayuhan ang lahat na lumikas sa matataas na lugar. Sa oras na walang malilikasang matataas na lugar sa inyong kinaroroonang lugar ay lumikas sa Tsunami Evacuation Building. Ang rekomendasyon sa paglikas ay ipapahayag sa pamamagitan ng disaster prevention speaker at emergency broadcasting car.

Explanation:

Mayroong mga itinatag na pook-likasan (tulad ng mababa/gitnang paaralan at iba pa) kung kinakailangan ang antimanong paglikas dahil sa kahirapan sa pamumuhay tulad ng pagkasira ng tirahan, o dahil sa panganib ng pinsala ng lindol, bagyo o baha. Kung magkaroon ng malaking sunog at iba pa, ginagamit bilang malawakang likasan ang mga parke at iba pang may espasyo upang mapangalagaan ang mga lilikas sa malaking sunog. Ginagawang pansamantalang likasan ang malawakang likasan kung saan maaaring lumikas nang pansamantala at malaman ang kalagayan ng sunog.

Kung ipahayag ang warning ng malaking tsunami, at walang mataas na lugar sa paligid, may gusaling likasan sa panahon ng tsunami kung saan maaaring lumikas pansamantala.

Mangyaring unang tandaan ang mga daanan sa paglikas at suriin ang mga delikadong lugar bago lumikas.