EDITORYAL - Marahas na parusa sa curfew violator
Maraming mga pasaway na kahit pinagbabawalan nang huwag gumala-gala sa kalye sa
kalaliman ng gabi, ay patuloy pa ring lumalabag. Mula nang isailalim sa quarantine ang maraming
bahagi ng bansa dahil sa COVID-19, nagpatupad ng curfew ang mga bayan at lungsod para maiwasan
ang pagkalat ng virus.
May mga bayan at lungsod na pagsapit ng alas-diyes ng gabi ay wala nang gagala pa sa kalye.
Ang sinomang lalabag ay huhulihin at pagmumultahin at ang iba naman ay magsasagawa ng community
service. Maraming nahuhuli at karamihan sa mga ito ay kabataan. Ang mga menor-de-edad ay
ipinagkakatiwala ng pulisya o barangay sa Department of Social Welfare and Development (DSWD).
Ipatatawag naman ng DSWD ang mga magulang ng mga menor-de-edad at pangangaralan.
Nang isailalim sa enhanced community quarantine (ECQ) ang Luzon noong Marso mas
maraming nahuling lumabag sa curfew. Karamihan ay mga kabataan na naglilimayon at mga walang
face mask. Hinuhuli sila ng mga barangay tanod at iniipon sa barangay hall at doon pinangangaralan at
ang iba ay pinagmumulta. Pero sa kabila ng paghihigpit, marami pa rin ang pasaway na lumalabag sa
curfew. Maaaring napupuno at napupundi na ang mga barangay official sa paulit-ulit na paglabag sa curfew kaya mayroong gumagawa nang kakaibang parusa. Marahil itanim sa isip ng violator ang paulit-
ulit nitong paglabag na parang nanloloko na.
Katulad nang ginawa ng isang barangay kagawad sa Maynila na sa halip parusahan nang
naaayon sa batas ang nahuling lalaki dahil sa paglabag sa curfew, pinarusahan niya ito na tumakbo nang
hubo’t hubad. Ayon sa kagawad, tinanong naman daw niya at pinapili ng parusa ang violator at ang
pinili ito ay tumakbo na hubo’t hubad. Wala raw siyang magawa dahil iyon ang pinili ng violator.
Ang ginawang parusa ng kagawad ay hindi tama sapagkat nilabag nito ang karapatan ng
nagkasala.
Ang kaparusahan ay dapat naaayon sa batas. Maaaring maharap sa kaso ang kagawad dahil sa
paglabag sa karapatang pantao. Hindi sana siya naging marahas sa pagpaparusa. Dapat alam niya ito
bilang kagawad. Nararapat malaman ito ng DILG.
1. Tungkol saan ang editoryal na balita na iyong binasa?
2. Bakit kinailangan ng mga lokal na pamahalaan na magkaroon ng curfew sa kanilang nasasakupan?
3. Maituturing ba na paglabag sa karapatang pantao ang parusang iginawad ng kagawad sa lalaking
lumabag sa curfew? Ipaliwanag.
Answers & Comments
Explanation:
1. Ang editoryal ay tungkol sa pagpapatupad Ng Marahas na parusa para sa mga curfew violatiors.
2. Kailangan Nila ito upang madisiplina sila dahil lumabag sila sa curfew hour Ng bansa.
3.Oo, Dahil may karapatan Ang Isang tao na pumili Ng parusa na ipapataw sa kanila dahil yun ang pinili niya o dun Siya mas Komportable.
#Carryonlearning
Pa brainliest po need ko lang po.