Uri ng Sistemang Pang-Ekonomiya

Ang sistemang pang-ekonomiya ay sumasaklaw sa mga istraktura, institusyon at mekanismo na batayan sa pagsasagawa ng gawaing pangproduksyon. Ito'y may iba't ibang uri at ito ang mga sumusunod:

• Ekonomiyang may Ganap na Bilihang Kapitalismo

• Maunlad na Ekonomiyang may Bilihang Kapitalismo

• Ekonomiyang may Bilihang Sosyalismo

• Ekonomiyang may Sosyalismong Pagmamando

• Ekonomiyang may Halong Bilihan at Pagpaplano

Kahulugan at Katangian ng Iba't Ibang Uri ng Sistemang Pang-ekonomiya

Alamin ang pagkakaiba ng bawat uri ng sistemang pang-ekonomiya sa ibaba. Narito ang kahulugan ng bawat isa.

Ekonomiyang may Ganap na Bilihang Kapitalismo

- Ito ay hindi gaano makatotohanan dahil mahirap masunod ang katangian ng sistemang ito.

Ang layunin ng gawaing pamproduksyon ay para sa pamilihan at pagtinda at hindi lamang para sa sariling pangkonsumo.

Ang pribadong pagmamay-ari ay ginagarantiyahan ng mga institusyong legal.

Maunlad na Ekonomiyang may Bilihang Kapitalismo

- Nagpapatupad ng mga batas na magtataguyod sa pribadong propyedad, mabigyan ng kaayusan at katahimikan ang bansa, at maipagtanggol ang mga mamamayan sa mananakop.

Ekonomiyang may Bilihang Sosyalismo

- Ito ang sistemang pang-ekonomiya na nagsasama ng mga kanais-nais na katangian at elemento ng sosyalismo at kapitalismo.

Ekonomiyang may Sosyalismong Pagmamando

- Ang ekonomiyang sosyalismo ay batay sa pampublikong pag-aari ng mga pinagkukunang yaman, maliban sa yamang tao at ang kahalagahan ng lupon ng sentralisadong pagplano sa pagtatakda ng lahat ng gawaing pang-ekonomiya.

Ekonomiyang may Halong Bilihan at Pagpaplano

- Ang halo ng bilihan at pagpaplano sa mga papaunlad na bansa ay di gaanong nagbubunga ng magandang resulta dahil ang mga hindi kanais nais na katangian ng dalawang sistema ang nagiging bunga nito.