1. Nakita mo ang iyong kapitbahay na nagtatapon ng kanilang basura sa daluyan ng tubig. Ano ang sasabihin mo sa kaniya? 2. Mangangaso ang tatay ng kaibigan mo at minsan nakahuli siya ng agila, inuwi niya ito upang alagaan. Ano ang imumungkahi mo sa kaniya? 3. Nalaman mo na ang iyong ama ay gumagamit ng lambat na may maliliit na butas sa kaniyang pangingisda. Natutunan mo sa paaralan na pinagbabawal ito ng pamahalaan at maaari siyang makulong kung siya ay mahuhuli. Paano mo ito sasabihin sa iyong ama? 4. Marami kang kakilala na nakatira sa may estero. Doon nila tinatapon ang kanilang mga basura kaya mukha na itong ilog ng basura. Ano ang sasabihin mo sa iyong mga kakilala? Paano mo ito maipararating sa iyong punong barangay? 5. Naglalakad kayo ng iyong kaibigan sa parke. Magaganda ang mga halaman at bulaklak dito. Nakita mo siya na akmang sisipain ang mga ito. Ano ang sasabihin mo sa kaibigan mo? mag papabrainlest po Ako page Tama sagot
Answers & Comments
1. Kapag nakita ko ang aking kapitbahay na nagtatapon ng kanilang basura sa daluyan ng tubig, sila ay aking kakausapin at pagsasabihan sa maayos na pamamaraan. Sasabihin ko sa kanila ang maaaring maging epekto ng kanilang gawain sa aming komunidad dahil ang daluyan ng tubig ay maaaring magbara na magdudulot ng pagbaha sa aming lugar kung ito ay patuloy nilang gagawin.
2. Ipapaalam ko sa aking kaibigan na hindi tama ang ginawa ng kanyang tatay dahil hindi dapat alagaan sa loob ng bahay ang isang agila. Ang agila ay dapat hayaan na mamuhay sa kanilang normal na tahanan para patuloy na mapangalagaan ito at maiwasan ang pagkaubos ng kanilang lahi. Sasabihin ko sa aking kaibigan na dapat niyang kausapin ang kanyang tatay tungkol dito at kumbinsihin na ibigay sa awtoridad ang agila na nahuli.
3. Pagsasabihan ko ang aking ama na hindi tama ang kanyang ginagawa dahil mahuhuli din niya ang mga malilit na isda na maaring maging isa sa mga rason kung bakit magiging konti ang suplay ng isda sa ilalim ng dagat. Ipaaalam ko rin sa kanya na ito ay ipinagbabawal ng pamahalaan at maari siyang makulong kung hindi siya titigil sa paggawa nito.
4. Kakausapin ko ang aking mga kakilala at ipapaalam sa kanila ang magiging epekto ng kanilang gawain sa kanilang lugar. Pagkatapos ko silang kausapin, pupunta din ako sa aming barangay upang kausapin ang namamahala dito at ipaalam ang nakita kong ginagawa ng mga taong nakatira sa may estero upang ito ay maaksyunan kaagad.
5. Pipigilan ko ang aking kaibigan sa kanyang binabalak na gawin dahil ito ay mali. Ipapaintindi ko sa kanya kung bakit hindi tama na sipain niya ito dahil maaaring masira ang mga halaman at bulaklak na nasa parke. Kapag ito ay nangyari, mababawasan ang kagandahan ng parke at maari din siyang mahuli ng mga tagapangalaga nito.
#BRAINLYEVERYDAY