1. Isang katangiang pisikal ng Hilaga o Gitnang Asya ay ang pagkakaroon ng malawak na damuhan o grasslands. Alin sa mga uri ng grasslands ang may mga damuhang mataas na malalalim ang ugat na matatagpuan sa ilang bahagi ng Russia at maging sa Manchuria? a. prairie c. steppe b. savanna d. tundra 2. Ang pagkakaiba-iba ng klima sa Asya ay bunsod ng iba’t ibang salik kabilang na rito ang lokasyon at topograpiya ng isang lugar. Kung sa Kanlurang Asya ay bihira ang ulan at hindi palagian ang klima, at sa Hilagang Asya naman ay mahaba ang taglamig at maigsi ang tag-init, ano naman ang katangian ng klima sa Timog-Silangang Asya? a. Ang mga bansa sa rehiyon ay nakararanas ng tag-init, taglamig, tag-araw at tagulan. b. May mainit na panahon sa ilang bahagi at may mga bahagi ng rehiyon na nababalutan ng yelo. c. Mahalumigmig, taglamig, tag-init at tagtuyot ang nararanasan sa rehiyong ito sa iba’t ibang buwan sa loob ng isang taon. d. Sobrang lamig sa rehiyon at hindi kayang panirahan ng tao. 3. Alin sa sumusunod na pahayag ang hindi kabilang sa mga katangiang pisikal ng Asya? a. Ang hangganan ng Asya sa iba pang mga lupain ay maaaring nasa anyong lupa o anyong tubig. b. Ang Asya ay tahanan ng iba’t ibang uri ng anyong lupa: tangway, kapuluan, bundok, kapatagan, talampas, disyerto at kabundukan. c. Taglay ng Asya ang napakaraming uri ng mga kapaligiran batay sa mga tumutubong halamanan. d. Ang Asya ay may mga bansa na nakararanas ng hanging habagat tuwing hunyo. 4. Ang pagbabago ng klima ay dahilan ng iba’t ibang matinding epekto sa kapaligiran at kabuhayan ng mga tao, ito ang mga sanhi maliban sa: a. Global Warming b. Pagbabago ng Lokasyon at uri ng pamumuhay c. Dala ng lumalaking populasyon d. Pagbabago sa ihip ng mainit at malamig na hangin 5. Bakit itinuturing ang palay na pangunahing pananim sa mga bansa sa TimogSilangang Asya? a. Maaaring ipalit ang palay sa mga butil ng trigo, mais, at barley. b. Palay ang pangunahing pagkain ng mga tao sa Timog-Silangang Asya. c. Sagana sa matatabang lupa at bukirin ang rehiyong ito na angkop sa pagtatanim d. Galing sa palay ang karamihan sa mga panluwas na produkto ng rehiyong ito ​