Explanation:Ang bawat nasyonalidad ay may natatanging kalakasan at kahinaan. Matututo tayo sa pagkakapareho at maging sa pagkakasari-sari nito. May limang halimbawa ng kalakasan at kahinaan ng mga pilipino, ano iyon?

Limang Kalakasan ng mga Pilipino

1. Masiyahing tao ang mga Pilipino. Nakikita ito sa pagngiti at pagtawa kahit na may problema. Mas mabilis tayong maka-recover sa mga trahedya dahil tayo ay likas na palatawa at gusto natin ang laging masaya.

2. Malapit na buklod sa pamilya. Taglay natin ang ugnayang mainit sa magkakapamilya anupat puwedeng angkan ang buong puwersa para sa mga adhikain ng isang indibidwal.

3. Paggalang sa nakatatanda. Ang mga Pilipino ay likas na tumatanaw ng utang na loob sa mga nakatatanda, sa mga lolo't lola man yan o sa iba pa.

4. Konserbatibo. Ang kaisipan ng mga Pilipino sa pagpapanatili ng mga bagay na pinahahalagahan gaya ng kultura at relihiyosong paniniwala.

5.Masipag at malikhain sa Paggawa. Nagagawa pa ng mga Pilipino na i-recycle o i-repair ang mga kagamitan. Nakaiimbento ng mga bagay na imposible na o basura na para sa iba pang lahi.

Limang Kahinaan ng mga Pilipino:

1.Bagamat masiyahin ang mga Pilipino, tayo din ay mas sensitibo kaysa sa iba pang lahi anupat hindi nakakatagal sa matitinding paniniil o sa mga hindi magandang mga nasabi ng iba sa atin.

2. Palaumasa sa mga magulang sa panahong dapat sana ay nakabukod na siya. Ang ilan ay nananatiling kargo pa din ng mga magulang kahit na siya ay may sarili nang pamilya.

3. Nagkakaroon pa din ng iringan ang mga biyenan sa mga bagong mag-asawa. Mahirap sa mga nakatatanda na ibagay angkanilang sarili sa mabilis na takbo ng pagsulong anupat hindi nabibigyan ng sapat na kasanayan ang mga kabataan na balikatin ang mga responsibilidad.  

4. Mabagal sa pag-aadjust sa makabagong henerasyon. Bagamat may mga pagkakataon na upang mapasulong ang pamamaraan, nanatiling nakapokus sa manwal o kinasanayan.

5. Manyana Habit.. Ito ay ang problema sa mga Pilipino kasama na "Filipino Time" o laging huli. Bagaman masipag, mas nababawasan naman ang kalidad at pagsulong dahil sa pagpapaliban-liban sa mahahalagang gawain. Ang tamang pagpaplano at pagpapatupad dito ay isang kahinaan kapwa ng mga manggawang Pilipino man o mga namiminuno.yan na