Sitwasyon 2. Nasa Ikalawang Baitang sina Georgia at Emma noong sila ay magkakilala. Matalino sa klase si Emma. Aktibo siya sa halos lahat ng mga organisasyon sa paaralan at maaasahan sa lahat ng oras na kailangan siya ng kanyang mga guro at kamag-aral. Simpleng mag-aaral si Emma, hindi siya maluho sa mga kagamitan hindi tulad ni Georgia. Wala siyang cellphone, walang bagong uniporme, bag at sapatos. Naghihikahos ang kanyang pamilya at ito ang naging daan upang magsumikap at mag-aral siya ng mabuti upang maiahon niya ang pamilya sa kahirapan. Hindi maialis ni Emma ang inggit kay Georgia dahil bukod sa maganda ito at mayaman ay maraming nagkakagusto sa kaniya. Palaging magkatabi sa upuan si Emma at Georgia kaya naging magkaibigan sila. Tuwing may pagsusulit ay palaging may dalang masarap na miryenda si Georgia para kay Emma. Iniaabot nito sa kanya sabay bulong na pakopyahin siya sa pagsusulit. Hindi niya ito matanggihan kaya't matataas din ang nakukuhang marka ni Georgia dahil sa kanya. Pagkatapos ng pagsusulit ay hindi na pinapansin ni Georgia si Emma. Tanong: Anong uri ng pagkakaibigan ang nabuo kina Georgia at Emma? Ipaliwanag. Masasabi mo ba na mayroon silang mabuting pagkakaibigan? Ipaliwanag.​