Bakik-tanaw
Basahin at unawain ang mitolohiya. Ibigay ang buod o lagom ng teksto sa limang

pangungusap. Markahan ang iyong sarili gamit ang rubriks sa ibaba.

Nanirahan si Ku bilang magsasaka. Sa pamamagitan ng kaniyang malalakas na

bisig, inuurong niya ang malalaking tipak ng baton ang walang kahirap-hirap. Dahil

sa kaniyang matikas na pangangatawan, maraming babae ang nagkakagusto sa

kaniya. Ngunit isang babae ang nagpatibok ng kaniyang puso. Sila ay nagsama at

nagsimulang mamuhay bilang mag-asawa.

Maraming taon ang lumipas. Nagkaroon ng matinding taggutom sa nayon.

Upang masagip ang kaniyang pamilya at ang buong nayon, inilubog ni Ku ang

kaniyang sarili sa lupa hanggang ang makikita na lang ay ang kaniyang ulo. Diniligan

ito ng kaniyang asawa ng kaniyang mga luha at ang buong pamilya ay buong

magdamag na nagbantay sa lugar na iyon.

Ilang araw ang lumipas, may napansin silang sumisibol na maliit na dahon sa

lugar na kung saan ibinaon ang ulo ni Ku. Namangha ang buong pamilya sa mabilis

nitong paglaki.

At sinabi ni Ku sa kaniyang asawa, “Ang mga sanga ng punong ito ay ang aking

mga kamay at ang bunga ay ang aking ulo. Sa puso ng bawat bunga ay ang alaala ng

aking salita. Lutuin mo ang bunga at balatan upang kayo ay makakain.”

Nang malaman ito ng buong nayon, nag-unahan ang taong bayan sa pagkuha

ng bunga. Hindi ito nagustuhan ni Ku kung kaya’t bigla na lamang nilamon ng lupa

ang puno. Muling nagsalita si Ku sa kaniyang asawa, “Itanim ninyo ang mga bagong

sibol at ipamahagi ang mga ito sa inyong pamilya at kaibigan.”

Ang mga itinanim na bagong sibol ay mabilis ding lumago. Nagkaroon na ng

makakain ang taong-bayan at pati na rin ang mga karatig-nayon. Ang prutas na ito ay

kilala ngayon bilang breadfruit tree.

-Mula sa “The Gift of Ku” ni Caren Loebel-Tried​