V. Repleksiyon Ang pagkilala sa kahalagahan ng katapatan ay mahalaga upang tayo ay magkaroon ng pananagutan sa katotohanan at kabutihan. Ito ay gumagalaw hindi lamang sa pamamagitan ng ating salita kundi sa ating kilos o gawa. May mga paraan upang maipamalas natin ang kahalagahan ng katapatan upang lalong maging makabuluhan ang ating paninindigan para sa katotohanan at pagsasabuhay nito sa isip, salita at gawa.

Ang katapatan ay may malaking epekto sa ating ugnayan sa pamilya, kaibigan at komunidad. Sa mga nakaraang aralin, natutunan mo na isa sa mga sangkap ng pagkakaibigan ay ang katapatan. Sa talahanayan sa ibaba, magtala ng tatlong (3) pamamaraan ng pagpapakita o pagpapamalas ng katapatan sa iyong kaibigan. Kaugnay ng naitala mong pamamaraan ng pagpapamalas ng katapatan, isulat din ang kahalagahan nito at ang sa tingin mong magiging bunga o kahihinatnan kung hindi mo maipamamalas ito.​