Tagumpay na Pinapangarap
ni Mary Grace B. Bangit

'Pagkat ang pangarap ay nais makamtan
Yakap ng pamilya ay tinalikuran
Upang hangad na medalya ay makamtan

Pagsasanay sa tuwina ang hinarap
Pagsuko ay di pumasok sa hinagap
'Pagkat sa isip napagkit ang pangarap
Para sa pamilya, bayang nililingap

Dumating din ang araw na hinihintay
Medalyang ginto ay nasungkit ngang tunay
Sa pamilya ganap na maiaalay
Katuparan ng minimithing tagumpay

Mga Gabay na Tanong:

1.Tungkol saan ang tulang nabasa?

2. Aling taludtod sa bawat saknong ang sumusuporta sa pangunahing kaisipan ng tula?

3. Ano ang kapansin-pansin sa bawat taludtod?

4. Magkakapareho ba ng bilang ng pantig sa bawat taludtod? Ilan ito?

5. Ano ang sinisimbolo ng medalya sa tula?

​