Suriin Basahin ang talatang ito: Ang paghuhugas ng kamay ay isang gawaing pangkalusugan at isang mahusay ng paraan upang makaiwas sa mga impeksyon na dulot ng mga mikrobyo gaya ng mga bacteria o virus. Tunay nga na ang paghuhugas ng kamay ay isang mabisang panlaban sa mga sakit gaya ng pagtatae, ubo't sipon, trangkaso, at iba pa. Nararapat na sundin ang wastong paghuhugas ng kamay. Kinakailangang sabunin nang maigi ang mga kamay. Kuskusin ang mga kamay, maging ang kamao at mga gilid at gitna ng mga daliri. Ikuskos din ang mga dulo ng daliri sa palad ng kabilang kamay. Banlawan nang mabuti sa malinis na tubig ang mga kamay. ​