Suriin ang bawat pangungusap. Isulat ang TAMA kung nagpapakita ng gampaning panlipunan at pampolitikal ang sitwasyon. Kung MALI naman, isulat ang maaaring gawin upang maitama ang kilos sa sitwasyon.

1. Si Ben at ang kanyang pamilya ay sakay ng dyip patungong Quiapo para magsimba. Siksikan at gitgitan sa loob ng dyip ng mapansin ni Ben na ang isang lalaki ay palihim na binubuksan ang bag ng kanyang katabing babae. Hindi napalagay si Ben at bahagyang kinalabit ang balikat ng ina ngunit hindi siya naintindihan nito, kaya sumigaw siya nang malakas. “May magnanakaw!”.
Dalidaling bumaba ang isang lalaki at nagpasalamat ang babae kay Ben.

2. Naisipan ng pamilya ng Cruz na magbahagi ng kanilang biyaya sa kanilang mga kapitbahay at walang-wala sa panahon ng Enhance Community Quarantine (ECQ). Matapos maibalot ang mga pagkain ay binahay-bahay nila ang pamimigay nito.

3. Habang kumakain ay nagtanong ang kanilang nanay kung kamusta ang pag-aaral. Agad ibinahagi ng kuya ni Ana ang mga ginawa nila sa paaralan. Alam ni Ana na nagsinungaling ang kanyang kuya dahil nakita niya itong nag cutting class ngunit pinabayaan niya lang ito at hindi sinabi ang totoo sa kanyang nanay at tatay na buong araw nagtatrabaho para matustusan ang kanilang pangangailangan.​