Si Jose Protacio Mercado Rizal y Realonda o mas kilala natin na Jose Rizal ay ipinanganak na may malaking ulo at sakitin. Sa mga kapatid niya, siya itong hindi nabugbog sa mga gawain sa bukid dahil sa kanyang kalusugan. Sa halip na nasa bukid, nasa bahay lang siya at ginugol ang sarili sa pag-aaral. Bata pa lang, marami na siyang wikang nalalaman at kayang bigkasin. Nahasa siyang magbasa ng mga literatura at kalaunan naging magaling din sa pagsusulat. Hindi lang ito ang pinagkaka-abalahan niya. Para palakasin ang pangangatawan, nag-aral siya ng mga pisikal na ehersisyo gaya ng fencing, martial arts at iba pa. Sa kanyang paglaki, mas lalo pang lumakas ang pagmamahal niya sa literatura kung kaya't sa kanyang paglalakbay ay bumibisita siya sa mga library ng lugar. O di kaya ay sinusulat niya ang mga kaganapan sa kanyang paglalayag. Ginugol niya ang kanyang libreng oras sa pagbabasa ng literatura ng ibang bansa at paglinang ng iba pa niyang kakayahan. Hindi lang sa literatura nabighani ang ating bayani. Pinasok din niya ang mundo ng medisina. Nag-aral siya at naging doktor sa mata. Marami ра siyang naging propesyon. Ilan dito ay ang pagiging inhenyero, scientist, geologist, manunulat, pintor, at marami pang iba. Ginamit niya ang kanyang galing sa pagsusulat upang pukawin ang mga Pilipino sa karahasan ng mga dayuhang mananakop. Katanungan: 1. Ano ang masasabi mo tungkol sa pagkatao ng ating Pambansang Bayani? 2. Batay sa teksto, ano-anong talento at kakayahan mayroon si Dr. Jose Rizal? 3. Paano ginamit ni Rizal ang kanyang kakayahan? Ipaliwanag. 4. Gamit ang talento at kakayahan ni Dr. Rizal, ano ang naiaambag niya sa bansang Pilipinas? Patunayan. 5. Kung may isang katangian si Rizal na nais mong tularan, ano yun at bakit?​