SOCIAL MEDIA

PAKSA: Bakit mahalagang matutunan ang responsableng paggamit ng social media?

Para po sa akin, napakahalagang matutunan natin ang responsableng paggamit ng  social media sapagkat ang responsableng paggamit ng social media ay nakatutulong  upang maiwasan natin ang pakikipag-away o pakikipagtalo sa ibang tao at sa halip ay  nagkakaroon pa tayo ng maraming kaibigan. Kung ano ang siyang ugali natin sa social  media ay sumasalamin rin ito sa ating tunay na pagkatao at ugali, kaya naman dapat  ay mag-ingat at magdahan-dahan tayo sa mga kilos na ipapakita natin sa social media.  Kapag tayo ay gumagamit ng social media ay kailangan nating isipin ang ating mga  gagawin, dahil ika nga nila “think before you click” at tsaka “treat others as you want to  be treated”. Para sa akin ay isang malaking hakbang ang pagkatuto ng responsableng  paggamit ng social media sa ating moral na pagkatao sapagkat ang social media ay  isang lugar kung saan maaari tayong makipag-usap, makipag-ugnayan, at magkaroon  ng maraming kaibigan. Kung matututo tayong maging responsable sa tamang paggamit  ng social media ay mahahasa o mapabubuti nito ang ating kasanayan at kakayahan na  makipag-usap, makipag-ugnayan, at makipag-kaibigan sa maraming tao. At higit sa  lahat, kung tayo ay magiging responsable sa paggamit ng social media ay ituturing tayo  ng nakararami bilang isang mabuting kabataan at isang mabuting impluwensiya sa  nakararami at pamamarisan nila tayo.