Answer:

Noong unang panahon, ang isang matandang mangingisda, kasama ang kanyang pitong anak na dalaga ay nakatira sa dalampasigan sa dagat, sa bayan ng Dumangas, na isang lalawigan sa Iloilo.

Araw-araw, ang pitong dalaga ay matiyaga at masipag na ginagawa ang kanilang tungkuling-bahay. Minsan, ay matatanaw mo silang lumalangoy sa dagat, nagtatampisaw sa dalampasigan, at naglalaro, at tila napakasaya nilang panoorin.

Maraming manliligaw ang mga dalaga, at isa sa mga kinatatakutan ng kanilang ama ay ang balang araw ay makapangasawa sila ng lalaking maglalayo sa kanila sa isa't-isa. Ang kanyang pangarap ay ang makahanap sila ng taga Isla rin lang nila. Palagi niya rin itong ipinagdarasal.

Isang araw, nang wala ang kanilang ama, may isang grupo ng mga binata ang dumalaw at umakyat ng ligaw. Niyaya nila ang mga dalaga na umalis, sakay sa kanilang magagara, mabibilis at mamahaling mga bangka.

Nadaan sila sa baybayin ng Guimaras, kung saan nangingisda ang kanilang ama, at sila ay natanaw. Nakita niya ang mga bangka, sakay ang kanyang mga anak. Sinubukan niyang sundan ang mga ito sa pamamagitan ng pagsagwan, ngunit masyadong mabilis ang kanilang bangka para masundan ng kanilang ama. Labis ang hinagpis ng kanilang ama, at napaiyak na lamang habang nagmamakaawa na sila'y bumalik. Pero imposible na nilang marinig ang ama.

Dahil na rin sa pagod, kaya umiyak na lang ang kanilang ama nang may pait sa kaniyang puso. Di katagalan ay nagsimulang umulan nang malakas, pati na rin ang mga alon, ay nagsisimulang magtaasan, kaya umuwi na lamang ang matanda.

Sa kanyang pag-uwi ay inaalala pa rin niya ang kanyang mga anak dahil sa lakas ng ulan at taas ng alon. Napakatahimik ng kanilang bahay nang wala ang kaniyang mga anak. Nagdesisyon siya na sa umaga ay papalaot siya upang hanapin ang kaniyang mga anak. Ipinagdarasal na mahanap at mahabol pa niya ang mga bangka dahil maaring sila rin ay tumigil dahil sa lakas ng bagyo nang gabing iyon.

May nadatnan ang matanda na nagkalat na parte ng mga bangka. Laking kaba niya habang siya ay papalapit sa lugar na iyon. Tiyak siya na ito ang bangkang sinakyan ng kanyang mga anak.

Nagulat na lamang ang matanda nang may lumitaw na mga isla. Binilang niya ito at laking gulat niyang pito ang bilang nito. Ang kanyang mga anak ay naging isla!

Pinangalanan nila itong Isla de los Siete Pecados o "Isla ng Pitong Makasalanan"

------------

Iba pang bersyon ng buod ng kuwento:

brainly.ph/question/436237

Kasukdulan ng kuwento:

brainly.ph/question/441753

Tagpuan:

brainly.ph/question/919025