.Panuto: Basahing mabuti ang bawat bilang at isulat ang titik ng pinakaangkop na sagot sa sagutang papel.
IWASAN ANG PAGBUBURA SA MGA SAGOT.
1. Ito ay tumutukoy sa mga mahahalay na paglalarawan (babasahin, larawan, o palabas) na layuning pukawin ang seksuwal na pagnanasa ng nanonood o nagbabasa.
A. abortion B. teenage pregnancy C. pornograpiya D. panghahalay
2. Alin sa mga sumusunod ang tamang kahulugan ng seksuwalidad?
A. Ang seksuwalidad ay ang pagiging babae o lalaki.
B. Ang seksuwalidad ay katangiang tinataglay ng babae o lalaki.
C. Ang seksuwalidad ng tao ay kaugnay ng kaniyang pagiging ganap na babae o lalaki.
D. Ang seksuwalidad ay ang pagtanggap sa iyong nararamdaman.
3. Ito ay ang pagkitil ng buhay ng sanggol habang nasa sinapupunan pa lamang.
A. abortion B. teenage pregnancy C. pornograpiya D. panghahalay
4. Tumutukoy ito sa pagdadalang tao ng isang babae na wala pa sa wastong gulang.
A. abortion B. teenage pregnancy C. pornograpiya . panghahalay
5. Kinakausap ka ng kasintahan mo at sinabing nag-aalinlangan siya sa pag-ibig mo. Masyado ka raw mailap sa kaniya. Sa pag-aalala mong iwan ka niya, tinanong mo siya kung ano ang kailangan upang mapatunayan mong talagang mahal mo siya. Tinitigan ka niya at tinanong, “Kung talagang mahal mo ako, handa ka bang ibigay ang sarili mo sa akin kahit hindi pa tayo mag-asawa?” Bilang isang mapanagutang lalaki o babae, ano ang gagawin mo?
A. Makikipaghiwalay sa kasintahan, dahil hindi ka pa handa sa nais niya.
B. Isusumbong siya sa mga magulang niya upang hindi siya mapariwara.
C. Kakausapin siya at sasabihing kapwa pa kayo hindi handa para sa ganitong uri ng ugnayan.
D. Magtatanong o kukunsulta sa guidance counselor o sa guro dahil ikaw ay nalilito.
6. Nakaramdam ka ng paghanga sa iyong kaibigan. Sapagkat ikaw ang itinuturing niyang best friend, pinakiusapan ka niya na maging tulay upang mapalapit sa iyong kaklase na kaniyang naiibigan. Pumayag ka ngunit habang sila’y unti-unti nang nagkakamabutihan ay nasasaktan ka at nakakaramdam ng pagseselos. Ano ang iyong gagawin?
A. Hindi na ipagpapatuloy ang pagiging tulay upang hindi sila lubos na magkalapit.
B. Kakausapin ang kaibigan at sasabihin ang nararamdaman.
C. Kokonsulta sa ibang mga kaibigan upang malaman ang nararamdaman.
D. Sasangguni sa guro o guidance counselor. 7. Niyayaya ka ng iyong mga kaklase na manood ng mga pelikulang may malalaswang tema. Halos lahat ng malapit mong kaibigan ay sasama sa kaniya. Kailangan daw nilang gawin ito upang hindi maging mangmang tungkol sa sex. Ano ang gagawin mo?
A. Isusumbong ang iyong kaklase sa inyong guro o sa kaniyang mga magulang, sapagkat alam mong makasasama sa kanilang murang isip ang pornograpiya.
B. Hindi sasama sa kanila, uuwi na lamang at pababayaan sila sa gusto nila.
C. Kakausapin ang mga kaibigan, at hihimukin silang huwag gawin ito dahil ito’y hindi makabubuti sa kanila.
D. Natural lamang sa mga kabataan ang mag-eksperimento, kaya’t sasama ka sa kanila.
8. Ang seksuwalidad kung gayon ay ang behikulo upang maging ganap na tao- lalaki o babae - na ninanais mong maging. Hindi ito pisikal o bayolohikal na kakanyahan lamang.
A. Ang seksuwalidad ay ang kabuuan ng iyong pagkatao.
B. Ang seksuwalidad ay daan upang maging ganap na tao.
C. Maaari mong piliin ang iyong seksuwalidad.
D. Mahalaga ang iyong pagiging lalaki o babae sa pipiliin mong kurso o karera balang araw.
9. Isang moral na hamon sa bawat tao ang pagbubuo ng seksuwalidad at pagkatao upang maging ganap ang pagkababae o pagkalalaki.
A. Hindi moral ang taong hindi buo ang seksuwalidad at pagkatao.
B. Ang lalaki ay dapat na lalaki sa seksuwalidad at pagkatao, ganoon din naman ang babae.
C. Maaaring hindi magtugma ang seksuwalidad at pagkatao ng tao.
D. Mahalagang behikulo ng pagpapakatao ang seksuwalidad.
10. “Tao lamang ang may kakayahang magmahal, at ang tao lamang ang makapagsisilang ng isa pang tao, na tulad niya ay may kakayahang magmahal. Ang kakayahang ito na magmahal at maghatid ng pagmamahal sa mundo ang likas na nagpapadakila sa tao.”
A. Ang tao ay nilikhang seksuwalidad kaya siya ay kabahagi ng Diyos sa Kaniyang pagiging Manlilikha.
B. Higit na mahalaga ang kakayahang magmahal ng tao kaysa sa kaniyang kakayahang magsilang ng sanggol, dahil ito ang nagpapadakila sa kaniya.
C. Ang tao ay likas na dakila dahil siya’y nilikhang kawangis ng Diyos.
D. Mas marami ang mga anak, mas dakila ang isang tao.

​