Panuto: Basahin ang mga nasa ibaba at tukuyin kung anong klaseng paraan

ng pagpapakita ng pasasalamat. Pumili lang ng sagot na nasa kahon sa

ibaba. Isulat ang sagot sa patlang.

1. Maaari itong gawin sa pamamagitan ng repleksyon. Bawat araw, kahit ilang

saglit ay isipin ang mga tao o mga bagay na pinapasalamatan mo.

___________________________________________________________________

2. Maaari itong simpleng liham ngunit nagpaparamdam ng malalim na

pasasalamat.

___________________________________________________________________________

3. Isang magandang pagpapakita ng pasasalamat ay kapag niyakap mo

ang iyong magulang dahil sa masarap na pagkain na iniluto para sa iyo.

________________________________________________________________________

4. Harapin ang bawat araw sa pamamagitan ng pag-iisip ng mga biyayang

natatanggap tulad ng hanging nalalanghap, ang araw na nagbibigay

liwanag at maging ang mga di mo kilalang tao na gumawa sa iyo ng serbisyo

tulad ng drayber ng dyip, pulis o guro na naglaan sa iyo ng oras.

___________________________________________________________________________

5. Marami tayong mga naririnig o nababasang mga quotations na

nagpapabago sa ating kamalayan o nagpapaganda sa ating pakiramdam.

___________________________________________________________________________

6. Kung ikaw ay may birtud ng pasasalamat, nagagawa mo maging ang mga

simpleng gawain na ikatutuwa ng ibang tao tulad ng pagbukas ng pinto para

sa kanila, pagbuhat sa kanilang mabibigat na dalahin, pagpulot ng mga

nakakalat na papel sa daan, pagbigay ng kontribusyon sa mga kawanggawa

at iba pa.

_________________________________________________________________________

7. Isang simpleng regalo ngunit nagpapakita ng pag-alaala sa taong

gumawa sa iyo ng kabutihan ay tunay na nagbibigay kasiyahan. Ang

mahalaga lamang dito ay bukal sa iyong puso ang pagbibigay.



A. Gumawa ng kabutihang-loob sa kapwa nang hindi naghihintay

ng kapalit.

B. Magkaroon ng ritwal na pasasalamat.

C. Magbigay ng munti o simpleng regalo.

D. Magpadala ng liham-pasasalamat sa mga taong nagpakita ng

kabutihan o higit na nangangailangan ng iyong pasasalamat.

E. Ang pangongolekta ng mga quotations ay magpapabuti sa

iyong pakiramdam.

F. Magpasalamat sa bawat araw.

G. Bigyan ng simpleng yakap o tapik sa balikat kung kinakailangan.

H. Magpasalamat minsan sa isang linggo.

​