Verified answer

PANG-ABAY AT MGA URI NITO

Ang pang-abay, o adverb sa Ingles, ay isang bahagi ng pananalita na naglalarawan sa pandiwa, pang-uri at kapwa nitong pang-abay. Ang pandiwa ay ang salitang kilos o verb sa wikang Ingles. Adjective naman ang salin ng pang-uri na siyang tinuturing na "salitang naglalarawan." Ang kaibahan lang ng pang-uri sa pang-abay ay ang mga bahagi ng pananalita na kanilang tinutukoy o nilalarawan sapagkat ang pang-uri ay naglalarawan sa pangngalan at panghalip lamang.

Mga Uri ng Pang-abay

Ang pang-abay ay maaaring maiuri bilang pang-abay na pamanahon, pang-abay na panlunan at pang-abay na pamaraan.

• Pang-abay na Pamanahon - ito ay nagsasaad kung KAILAN naganap, nagaganap o magaganap ang kilos sa pangungusap. Halimbawa, sa pangungusap na ito: Maglalaro si Domenic ng basketbol mamayang hapon. Ang pang-abay na ginamit dito ay ang "mamayang hapon" dahil sinasaad nito kung kailan isasagawa ang kilos.
• Pang-abay na Panlunan - ito ay nagsasaad kung SAAN naganap, nagaganap o magaganap ang kilos sa pangungusap. Halimbawa, sa pangungusap na ito:  Maglalaro si Domenic ng basketbol sa gym. Ang pang-abay na ginamit dito ay ang "sa gym" dahil sinasaad nito kung saan isasagawa ang kilos.
• Pang-abay na Pamaraan - ito ay nagsasaad kung PAANO naganap, nagaganap o magaganap ang kilos sa pangungusap. Halimbawa, sa pangungusap na ito: Magaling maglaro ng basketbol si Domenic.    Ang pang-aaby na ginamit sa pangungusap na ito ay "magaling" dahil nilalarawan nito kung paano maglaro si Domenic ng basketbol.

Upang sagutan ang ibinigay na gawain, narito ang mga kasagutan. Ang PL ay nangangahulugang "Pang-abay na Panlunan". Ang PH ay nangangahulugang "Pang-abay na Pamanahon". Ang PM ay nangangahulugag "Pang-abay na Pamaraan".

1. Lumipat ang mag-anak sa Maynila - PL
2. Tayo nang maglaro sa parke. - PL
3. Malakas sumigaw ang bata. - PM
4. Si Angela ay magaling sumayaw. - PM
5. Nagtago sa ilalim ng mesa ang pusa. - PL
6. Ang mga mag-aaral ay pumapasok sa paaralan araw-araw. - PH
7. Gising na si nanay tuwing madaling araw. - PH
8. Sumasayaw ang mga bata sa entablado. - PL
9. Pupunta sa Cebu ang buong mag-anak. - PL
10. Dahan-dahan umalis ang nanay. - PM

Naririto pa ang ilan sa mga halimbawa ng pang-abay na panlunan, pamanahon at pamaraan at ang iba pang uri ng pang-abay na hindi nabanggit dito gaya ng pang-abay na pang-agam, pananggi, panang-ayon, panggaano, pamitagan at panulad:

brainly.ph/question/10205

#BRAINLYFAST

Answer:

Explanation:

1. Panlunan—Lumipat ang mag-anak sa Maynila.

2. Panlunan—Tayo nang maglaro sa parke.

3. Pamaraan—Malakas sumigaw ang bata.

4. Pamaraan—Si Angela ay magaling sumayaw.

5. Panlunan—Nagtago sa ilalim ng mesa ang pusa.

6. Pamanahon—Ang mga mag-aaral ay pumapasok sa paaralan araw-araw.

7. Pamanahon—Gising na si nanay tuwing madaling araw.

8. Panlunan—Sumasayaw ang mga bata sa entablado.

9. Panlunan—Pupunta sa Cebu ang buong mag-anak.

10. Pamaraan—Dahan-dahan umalis ang nanay.

Depinisyon:

Panlunan: Ang salitang nagsasabi kung saan nangyari o ginawa ang kilos ng pandiwa ay isang pang-abay na panlunan.

Pamaraan: pang-abay na sumasagot sa tanong na paano ginanap, ginaganap, o gaganapin ang sinasabi ng pandiwa sa pangungusap.

Pamanahon: nagsasaad kung kailan naganap o magaganap ang kilos na taglay ng pandiwa. Mayroon itong tatlong uri: may pananda, walang pananda, at nagsasaad ng dalas.

#BrainlyFast

brainly.ph/question/13612902