Pangalan:
A. Kilalanin at isulat sa kahon ang P kung ang pangungusap ay nagbibigay ng patunay. Lagyan naman
ng DP kung hindi ito nagpapatunay.
1. Ang mahigit anim na libong bilang ng mga nasawi dahil sa bagyong Yolanda ang magpapatunay
sa lakas at bagsik ng bagyong humambalos sa maraming lalawigan sa Kabisayaan noong 2013.
2. Umaasa silang huwag na sanang magkaroon ng ganoon kalakas na bagyo sa bansa.
3. Ang unti-unting pagpapatayo ng mga nasirang gusali at mga tirahan at pagsisimulang muli ng
Komersyo sa mga lugar na ito ang nagpapatunay na bumabangon na ang mga taga-Visayas.
4. Ang tulong mula sa iba't ibang bansa na umabot sa mahigit 14 na bilyong piso ang nagpapakita
sa likas na kabutihang-loob ng tao anuman ang kulay ng balat at lahi nito.
5. Huwag na sana tayong salantain uli ng malakas na bagyo.
6. Pinatutunayan ng mga dokumentaryong ebidensya na ang Pilipinas ay bansang pinakalantad sa
mga bagyo dahil sa kinalalagyan nito at sa mahigit pitong libong islang lantad sa hangin at
ulang dala ng mga bagyo.
7. Katunayan, sa bawat taon ay may 8 hanggang 9 na bagyo ang pumapasok sa ating PARO
Pihilippine Area of Responsibility.
8. Nakalulungkot makita ang ilan nating kababayan na nawalan ng mga mahal sa buhay at ari-arian
9. Pinatutunayan ng datos mula sa National Economic Development Authority na kakailanganin
natin ng 361 bilyong piso para sa muling pagbangon ng mga lugar na labis na nasalanta ng bagyong
Yolanda
10. Kaya naman, magkaisa at magtulungan tayong lahat para sa ikabubuti ng lahat ng mga Pilipino lalo
na ang mga nasalanta.​