Panuto: Basahin ang mga pangungusap. Ilagay sa talahanayan ang mga salita/
pahayag na naghahambing at suriin kung anong uri ito ng pang-uring pahambing.
1. Ang mga taong marunong sumunod sa mga paalala tungkol sa pandemya ay
higit na makaiiwas sa virus na nagdudulot ng sakit kaysa sa mga taong
nagsasawalang bahala sa mga ito.
2. Parehong nakapagbibigay ng proteksyon laban sa virus ang pagsusuot ng
face mask at face shield.
3. Di-hamak na makaiiwas sa sakit ang pananatili sa loob ng bahay sa panahon
ng pandemya kaysa mamasyal kasama ang mga kaibigan.
4. Ang pag-inom ng gamot na hindi kinunsulta sa manggagamot ay di-gaanong
nakabubuti gaya ng gamot na nireseta ng doktor.
5. Kasinghusay magpagaling ng mga maysakit ang mga manggagamot sa
probinsiya at ang mga manggagamot sa lungsod.