Pagyamanin Gawain 1: A. Tukuyin ang uri ng iba't ibang paraan ng pagbibigay-pahiwatig sa kahulugan ng mga salitang may salungguhit na mula sa mga kabanatang tinalakay. Isulat sa sagutang papel ang A-para sa Kasingkahulugan, B-Kasalungat, C-Katuturan, D-Karanasan at E- Pormal na depinisyon. 1. Labis na takot ang pumuno sa katauhan ni Sisa ng kaniyang makita sa kanilang bakuran ang kapasete ng dalawang gwardiya sibil. 2. Napahinuhod si Ibarra na sumama sa pangingisda at madali siyang nakumbisi sapagkat kasama si Maria Clara. 3. Ang hiroglipiko ay mga larawang titik na may kahulugan. Ito ay isang uri ng pagsusulat na gumagamit ng mga sagisag (mga simbolo) o mga larawan upang kumatawan o gumanap bilang mga tunog at mga salita. 4. Matapos mabulabog ang pangingisda ay naranasan nila ang matahimik na sandali. 5. Nagbibigay kita rin sa bansa ang pangingisda dahil maraming bansa ang umaangkat pa ng mga isda mula Pilipinas. 6. Ang tambuli ay isang katutubong instrumentong hinihipan na ginawa sa sungay ng kalabaw. 7. Ang tambuli ay ginamit bilang isang instrumento ng mga katutubo para magpabatid ng pulong sa mga nasasakupan noong unang panahon. 8. Nakaramdam siya ng sobrang kahihiyan. Dahil dito, tinakpan niya ng panyo ang kaniyang mukha at pikit-matang lumakad. 9. Gayon na lamang ang kaniyang pagsusumamo na mapagbigyan ang pakiusap ng nagmamahal na ina. 10. Ang tawag sa uri ng kalesa na malaki at maluwag na hatak-hatak ng kabayo ay karwahe. B. Ilahad ang iyong saloobin hinggil sa sumusunod na sitwasyon gamit ang ekspresyon sa pagpapahayag ng damdamin at matibay na paninindigan. Isulat ang sagot sa sagutang papel. SALOOBIN Ang pagmamalupit ng Kapitan sa babaeng ketongin. Pagsangguni ni Ibarra kay Pilosopo Tasyo para humingi ng payo. Paglilimos ni Maria Clara ng laket sa ketongin. Ang pagdiriwang ng piyesta sa San Diego ay walang kaparis sa karangyaan. Ang pakikibaka ni Ibarra na maipatayo ang paaralan na alaala niya sa kaniyang kasintahan.​