Pagsasanay 1
Basahin nang tahimik ang journal ni Tanya at sagutin ang mga tanong na nasa ibaba sa inilaang patlang.


Sa unang mga ilang linggo ng Filipino 4, nagkaroon ako ng maraming pangamba at
‘di ako sigurado sa aking kakayahang magsalita at matuto ng wika. Kahit na mayroon akong mga suliranin, inilagay ko ang karagdagang pagsisikap upang mapahusay ang aking mga kasanayan sa wikang Filipino. Bilang karagdagan sa karaniwang pagsasalita at pagbabasa, ako ay may nahanap na paraan upang isama ang Filipino sa aking pang-araw-araw na buhay. Ngunit sa kabila ng lahat ng aking mga pagsasanay, alam ko na marami pa rin akong dapat gawin kung gusto kong maging mas matatas sa wika.

Upang magsanay sa pagbabasa, patuloy na bumabasa ako ng leksiyon mula sa aming klase. Pinag-aaralan ko ang mga salita na ako ay may problema sa pagbigkas at patuloy kong inuulit ito.Patuloy ang pagkakaroon ko ng problema sa pagsasabi ng lahat ng mga pantig. Hinahati ko ang mga salita sa mga pantig nito at,nagguhit ako ng linya upang paghiwalayin ang mga ito.dahil dito sa suliraning ito, ang aking pagiging matatas sa pagbabasa ay patuloy na hindi mabuti. Mas pinagtutuunan ko ng pansin ang tamang pagbigkas ng mga salita sa halip ng pagbabasa ng mga salita na maaari kong mabasa,subalit pakiramdam ko mas komportable ako sa pagbabasa nang malakas kaysa dati at patuloy kong binabasa ang mga materyales na labas sa aming klase. Pagbalik ko sa aking bahay, susubukan kong basahin ang mga diyaryo ng Filipino kasama ang aking ama. Kapag napapakinggan niya ang aking maling
pagbigkas ng isang salita, tumutulong siya sa akin na ihiwalay ang pantig at ulitin ang mga salita nang tama.

Ang pagbabasa nang malakas ay nakatutulong din sa aking pagsasanay ng pagsasalita. Ang pagkaalam ko ng mga karaniwang parirala, tulad ng sa diyalogo, ay
nakatutulong sa aking kabuoang pagpapalawak ng bokabularyo at kasabihan sa Filipino. Ang nakolekta kong bokabularyo ay tumutulong sa akin upang lumahok sa mga pag-uusap ng aking pamilya. Kahit ako ay hindi pa ganap na nakasagot sa mga ito sa Filipino, tinutulungan nila ako sa kung ano ang aking nais sabihin, at sinasabi nila sa akin ang tamang salita at gramatika na dapat gamitin.