Pag-alam sa mga Natutuhan
Mag-isip ng angkop na pamagat na babagay sa bawat talata. Pagkatapos ay
ipaliwanag kung bakit ito ang ibinigay na pamagat. Gawin ito sa sagutang papel.

1. Ang Edukasyon ay mahalaga sa bawat isa dahil dito nakasalalay ang kinabukasan
ng bawat tao at kung ano ang kaniyang kahihinatnan dito sa mundo. At ito ang ating
sandata para magkaroon ng magandang buhay. Maraming paraan upang makamit
natin ang isang mabuting hinaharap. Ang paghahanda para sa ating kinabukasan ang
mabisang paraan upang makasiguro tayo sa ating pamumuhay. Ngunit may mga
hadlang din na maaring pumigil sa ating pagtatagumpay, kaya marapat lang na
maging maagap ang bawat isa sa atin upang tagumpay na malagpasan ang mga ito. At
ang pagkamit ng tagumpay ay kailangang buo ang determinasyon, tiwala sa sarili, may
pananampalataya sa Diyos at marami pang mga katangian na dapat nating taglayin
para makamit natin ang magandang bukas.

2. Ang pangarap ang nagsilbing gabay ng aking mga pagsisikap.Ito na lang ang
inspirasyon ko na magpatuloy kahit sa mga kabiguan.Ang aking pangarap ay
makapunta sana sa ibang bansa. Gusto ko doon magtrabaho dahil malaking tulong ito
sa aming pamilya na makaahon sa kahirapan. Sa kabilang dako naman, alam ko na
hindi ito matutupad kapag hindi ako makatapos ng high school ganoon din sa
kolehiyo. Kaya,pagbubutihin ko na ang pananaw ko ngayon sa buhay. Mag- aral ako sa
ALS habang nagtatrabaho ng kahit anong makabubuti sa aming pamilya at
makatulong sa pag-aalaga sa aking mga bunsong kapatid. Sana makapasa na ako
ngayon sa pagsusulit upang maipagpatuloy ko sa kolehiyo at makatapos ng kurso. Sa
ngayon ako po ay patuloy na umaasang maisakatuparan ang tanging pangarap. Alam
kong ang aking mga pangarap ay kayang abutin sa tulong ng Poong Maykapal at sa
mga taong nakapaligid sa akin para maisakatuparan ko ang matagal ko nang
pinapangarap.

3. Ang aking ina, ama, kapatid, tiyahin, tiyuhin, pinsan, at mga kaibigan. Silang lahat
ay aking nakasama sa loob ng mahabang panahon. Kilala ko ang bawat miyembro ng
aking pamilya, ganoon din naman ang aking mga kaibigan. Alam ko ang mga bagay na
hilig nilang gawin at mga lugar na lagi nilang pinupuntahan, pati mga pagkaing
madalas nilang kinakain. Ganoon ko sila kakilala, ngunit sapat na ba iyon upang
malaman ko kung sino talaga sila? Gaya ng aking sarili. Lubos ko na bang kilala kung
sino talaga ako, bilang ako? Ako, isang simpleng tao. Gaya ng iba mayroon din akong
mga pangarap. Mga pangarap na walang katapusan. Kapag mayroon na akong mga
ninanais na bagay na aking nakamit ay mayroon na namang bagong pangarap na
uusbong sa aking puso at isip. Maiksi lamang ang buhay at walang sandali ang dapat
sayangin
atrakaibigan na marahil ang isa sa mga bagay na mahirap ipagpalit sa
rolha at magkamit ng isang​