Katangian ng Ibong Adarna

•Isang engkantadong ibon

•Ito ay nagpapahinga sa punong may mga pilak na dahon kung sumasapit ang hatinggabi.

• Umaawit ito ng pitong beses at sa bawat awit nito ay nag-iiba ng anyo ang kanyang mga plumahe.

•Nagtataglay ng mahiwagang awit at nakapagpapagaling ng anumang karamdaman sa sinumang makadinig nito, ngunit ang mapatakan ng kanyang dumi ay nagiging bato.

•Siya ay dumadapo sa Piedras Platas na nasa Bundok Tabor at itinuturing niya si Don Juan ang nagmamay-ari sa kanya.Ang Ibong Adarna ay isang epikong Pilipino. Ito ay tungkol sa isang ibon na nagngangalang Adarna. Ang Ibong Adarna ay may taglay na engkanto na nakakapagpagaling ng anumang karamdaman at sakit sa pamamagitan ng kanyang magandang tinig. Mahirap mahuli ito sapagkat nakaaantok ang kanyang tinig at nagiging bato ang sinumang matamaan ng kanyang ipot.

•Maraming mga aral na importante sa buhay ng bawat tao ang matutunan sa pagbabasa ng Ibong Adarna. Ang kwento ay tungkol sa isang matapang na Prinsipe gagawin ang kahit ano para sa kanyang pamilya. Dito mapapatunayan kung hanggang saan at ano ang kaya mong gawin para sa sa taong iyong minamahal. Handa kang masaktan at masugatan mapasaya mo lamang ang minamahal mo. Sa kwentong ito, pinapatunayan din kung hanggang saan ang kaya mong ibigay na tiwala para sa isang tao. Pag binigyan ka ng isa pang pagkakataon o oportunidad, gawin mo na lahat ng makakaya mo para mapatunayan ang iyong ninanais.

Sa Ibong Adarna makakaramdam ka ng iba't ibang klase ng emosyon, may malungkot, nakakatawa at nakakakilig habang binabasa ang kwento, tunay nga na "makakrelate ka❞ dahil kung pagaganahin mo ang iyong malawak na imahinasyon, aakalain mong parang ikaw mismo ang nakakaranas ng mga pangyayari sa kwento, at ikaw ang pangunahing tauhan dito.

•Napakahalagang pag-aralan ang kwento ng Ibong Adarna lalung-lalo na sa mga kabataan dahil nga sa mahahalagang aral na maaring magamit sa pang-araw araw na buhay at mga aral na makakapagpabago ng kanilang mga pananaw sa buhay.

Dito mo makikita ang realidad ng buhay. Hindi parating masaya at mapayapa, darating at darating pa rin tayo sa mga panahon na haharap tayo sa mga pagsubok at suliranin na magpapatatag sa ating pagkato. May mga pagkakataong na nagawa mo na lahat ang iyong makakaya ngunit nabigo ka pa rin, per normal lang ang mabigo, kasama ito sa hamon, laban lang at tumayo pag nadadapa.

Para sa karagdagan pang Kaalaman magtungo sa mga link na nasa ibaba:

Mga Tauhan sa Ibong Adarna: brainly.ph/question/112864

Buod ng Ibong Adarna: brainly.ph/ question/1425256