May nakita kang pitaka habang paakyat ka sa ikalwang palapag ng inyong paaralan. Nang buksan mo ito, nakita mong naglalaman ito ng malaking halaga, kasama ng ibang mahahalagang pagkakakilanlan ng may-ari. Naisip mo na hindi ka mahihirapang hanapin at isauli ito ngunit bigla kang may naalala. Noong nagdaang gabi, narinig mo ang may-ari ng inyong inuupahang bahay na galit na galit habang kausap ang iyong ina. Ayon dito, kung hindi pa kayo makapagbabayad sa loob ng tatlong araw ay tuluyan na kayong paaalisin. Limang buwan na kayong hindi nakapagbabayad ng upa. Ikaw lamang ang tao noong paakyat ka sa hagdanan at walang nakakita sa iyo. Ano ang nararapat mong gawin?​