May at Betong
J.B. Santos

Matalik na magkaibigan si May at Betong. Lagi silang
magkasama kahit saan sila magpunta. Saba’y silang nagsisimba
tuwing araw ng Linggo. Magalang at may respeto sa kapwa ang
magkaibigan.
“Tatandaan ninyong dalawa na dapat igalang ang paniniwala
ng iba, mahalaga ang may
respeto sa kapwa,” ang palaging
bilin ng ina ni May na si Aling Anita.
Pagkakatapos ng kanilang klase ay
dumadaan si Betong kina May
upang sabay silang gumawa ng
takdang-aralin at pagkatapos ay
nagbabasa sila ng Bibliya kasama
si Aling Anita.
Isang araw habang papasok
sa kanilang paaralan ang
magkaibigan, natanaw nila ang
grupo nina Marlon. “Mukhang hindi na naman nila tinitigilan si Alih,
Betong,” wika ni May.

27 PIVOT 4A CALABARZON EsP G3
Si Alih ay bago lamang sa kanilang paaralan. Siya ay isang
Muslim. Simula nang dumating siya sa paaralan ay palagi siyang
tinutukso ng grupo nina Marlon. ”Oo
nga May, halika puntahan natin sila,”
ani ni Betong.
“Anong nangyayari diyan,”
tanong ni Betong sa grupo nina
Marlon. “Ayaw kasi naming
makasabay ang isang Muslim sa
pagpasok sa paaralan,” ang
nakakainis na sagot ni Marlon. “Oo
nga hindi siya nababagay sa ating
paaralan,” dagdag pa ng kaniyang mga kaibigan. At sabay-sabay
silang nagtawanan. Maluha-luha naman si Alih sa sinabi ng grupo
nina Marlon.

“Alam ba ninyong hindi
tama ang ginagawa ninyo,
Marlon, Miko at Andoy,” ang
malumanay na wika ni May.
“Dapat matuto kayong gumalang
at magbigay respeto sa
paniniwala ng iba. Ang hindi
paggalang at pagrespeto sa
relihiyon ng iba ay nagiging dahilan ng hindi pagkakaunawaan,”
paliwanag ni May.

PIVOT 4A CALABARZON EsP G3 28
Hiyang-hiya ang magkakaibigan sa kanilang narinig. Biglang
naalala ni Marlon ang pangyayari sa
kaniyang buhay kung saan siya ay naging
biktima rin ng pambu-bully dahil sa
kaniyang naiibang paniniwala.
“Patawarin mo kami Alih,” ang mahinang
tinig ni Marlon.”Nagkamali kami, dapat ay
iginalang namin ang iyong paniniwala,”
dagdag pa ng kaniyang mga kaibigan.
“Tinatanggap ko ang paghingi ninyo ng paumanhin,”
masayang tugon ni Alih. “Lagi sana ninyong isaisip na magkakaiba
man tayo ng paniniwala, mahalagang manatili tayong may respeto
sa bawat isa.”

Nagpasalamat din siya sa
magkaibigang May at Betong. Simula noon
ay naging magkaibigan sina May, Betong at
Alih. Hindi naging hadlang ang pagkakaiba
nila ng pinaniniwalaan bagkus hinangaan
sila sa kanilang paaralan dahil sa
pagpapakita nila ng paggalang sa

paniniwala ng bawat isa.
“Kung ano ang nais mong gawin sa iyo ng iyong kapuwa, iyon
din ang gawin mo sa kaniya.” Naalala mo pa ba ng kasabihang ito?
Hindi ba’t angkop ito sa pinag-aaralan mo? Tama. Kung nais mong
igalang ng iyong kapwa ang iyong paniniwala, nararapat lamang na
igalang mo rin ang kanilang paniniwala.

29 PIVOT 4A CALABARZON EsP G3
Gawain sa Pagkatuto Bilang 3: Sagutin ang mga katanungan batay sa
kuwentong nabasa. Isulat ang letra ng tamang sagot sa iyong
sagutang papel.
1. Ano ang mga katangian ng magkaibigang May at Betong?
A. masayahin at masigla
B. masipag at maalalahanin
C. magalang at may respeto
D. matulungin at masikap
2. Ano ang palaging bilin ng ina ni May sa kanilang dalawa?
A. Umuwi agad pagkatapos ng klase at huwag nang
makipaglaro sa iba.
B. Palaging igalang at irespeto ang paniniwala ng iba.
C. Piliin lamang ang magiging kaibigan.
D. Mag-iingat sa mga taong hindi kilala.
3. Bakit ayaw kasabay nina Marlon si Alih sa pagpasok sa paaralan?
Ito ay dahil ______________________________
A. iba ang kaniyang paniniwala.
B. hindi niya ito binigyan ng regalo.
C. mabagal itong maglakad.
D. wala itong baon.
4. Paano mo ilalarawan sina Marlon, Miko at Andoy? Sila ay _________.
A. mga masisipag na bata at handang tumulong sa kapwa.
B. hindi marunong gumalang sa paniniwala ng iba.
C. may respeto sa paniniwala ng iba.
D. matulungin sa kapwa.

PIVOT 4A CALABARZON EsP G3 30
5. Bakit mahalaga ang paggalang sa paniniwala ng iba?
A. Ang paggalang sa paniniwala ng iba ay walang naidudulot sa
ating buhay.
B. Ang paggalang sa paniniwala ng iba ay nagdudulot ng
pagkakaisa at pagkakaunawaan.
C. Ang paggalang sa paniniwala ng iba ay isang obligasyon na
dapat sundin.
D. Ang paggalang sa paniniwala ng iba ay nagdudulot ng
suliranin.

NEED ANSWER NOW