Matamang nakikinig si Franco sa usapan ng kanyang mga lolo lola
at nanay habang nasa salas sila.
LOLA: Ako ay lubos na nalulungkot sa nangyayari ngayong epidemya.
Lubhang nakakabahala.
LOLO: Oo nga maraming mga isang kahig, isang tuka ang mas
naghihirap pa.
LOLA: Mabuti na lamang at may kusang palo ang ilan sa ating mga
kababayan na naghahatid ng tulong kahit hindi hinihingan. Hindi

katulad ng ilang pulitiko ngayon dito sa atin na nagte-tengang ka-
wali sa hinaing ng mga tao.

LOLO: Palibhasa ang ilan sa mga pulitiko ay nakahiga sa salapi kaya hin-
di nararamdaman ang pandemya ngayon.

NANAY: Pero Itay, marami rin naman po sa kanila ang busilak ang puso
na naglalaan ng oras sa mga mahihirap. Ang ilan ay kidlat sa bilis
ang pagkilos matugunan lang ang pangangailangan ng
nasasakupan.
FRANCO: Lolo, Lola, Nanay, hindi ko po maintindihan ang inyong
pinag-uusapan.
NANAY: Pinag-uusapan lang namin ang pandemyang nangyayari ngayon.
FRANCO: Opo, alam ko po iyon. Pero may mga sinasabi po kayong hindi
ko maintindihan. Tulad ng tengang-kawali, bakit po nagkatenga
ang kawali, isang kahig, isang tuka pero wala naman pong manok
sa pinag-uusapan ninyo. lawit ang dila pero wala naman po akong
narinig na pinag-usapan ninyo ang aso.
Nagtawanan sina Lolo, Lola at Nanay.
LOLA: Apo, ang mga sinabi mo ay mga sawikain.
FRANCO: Ano po ang Sawikain?
LOLO: Apo, ang Sawikain ay mga salitang may kahulugang hindi

tahasan. May naiiba itong kahulugan sa literal na pahayag. Mada-
las na ito ay ipinahahayag sa malarawan, mapagbiro o

mapagpatawang paraan.
NANAY: Mauunawaan mo ito kapag ginamit na ito sa pangungusap.
FRANCO: Ah, kaya po pala. Gusto ko rin pong matuto ng mga Sawikain
para maituro ko rin sa aking mga kamag-aaral.

PIVOT 4A CALABARZON

18
1. Sino-sino ang mga nag-uusap?
2. Tungkol saan ang kanilang pinag-uusapan?
3. Mahalaga bang matutunan mo ang mga Sawikain?
4. Gusto mo bang matutunan ang iba’t-iba pang halimbawa ng sawikain?
Bakit?
5. Saan o kailan mo magagamit ang mga Sawikain?