Malaki ang paniniwala ni Dr. Jose Rizal na kung may sapat at wastong edukasyon ang mga kabataan, sila ay tunay na pag-asa ng bayan. Isang mabuting halimbawa ay ang kaniyang sarili na sinikap bumuo ng nobela upang matulungang mamulat ang mata ng mga kapwa Pilipino. Kung kinaya ng pambansang bayani na makagawa ng pagbabago sa ating lipunan gamit ang kaniyang talento sa pagsulat, paniguradong kayang-kaya mo rin! Susubukin mo ngayong maging isang kompositor ng awitin na ang mga liriko ay tatalakay sa magagawa ng kabataang gaya mo upang mabago ang isang negatibong kalagayang panlipunan sa kasalukuyan. Maaari kang pumili lamang ng isa sa mga nabanggit na sa itaas. Ang iyong awitin ay isusulat sa isang malinis na papel at maaaring lagyan ng naaangkop na disenyo. Kung nais na lapatan ng tono ay maaaring hanguin ito sa iyong paboritong awitin. Tandaan, hindi kinakailangang maging magastos ang pagbuo ng isang proyekto upang ito ay maging makabuluhan. Panatilihing ligtas ang sarili habang gumagawa ng proyekto. ​