Verified answer

Answer:

Ang katangian ng tao o karakter (characteristic" sa Ingles) ay iba-iba pagkat ito ay mula sa impluwensya ng kapaligiran, mga taong nakakasama, ng pamilyang nagpalaki, at ng mga nakagawian. Ang mga kilos na isinasagawa ay mula sa pag-iisip, dignidad, kalayaan at karakter ng isang tao.  

Mga katangian na gusto mo dahan-dahang iwasan:

1. Pagiging mahiyain

Ang pagiging mahiyain ay nakakahadlang para hindi maipakita ang tunay na kakayahan ng isang tao. Maraming hindi nagagawa ang isang taong mahiyain at nalilimitahan ng katangiang ito ang mga magagandang bagay na posibleng mangyari sa kanya.

2. Pagigiing magastos

Ang pagiging magastos ay dapat dahan-dahang iwasan dahil kailangan na maging matalino sa pera. Dapat tandaan na hindi sa lahat ng pagkakataon ay may perang parating sa atin. Kailangan na maging masinop upang handa sa anomang pwedeng mangyari.

3. Pagiging magagalitin

Ang taong magagalitin ay hindi nakakapigil ng kanyang emosyon. Normal lamang na magalit ang isang tao, ngunit hindi normal ang kahit na sa maliit na bagay ay nagagalit agad. Kailangang matutong kumalma at isipin mabuti ang situwasyon bago magkaroon ng negatibong damdamin.

Mga katangian na dapat mapanatili at ipagpatuloy:

1. Pagiging matapat

Ang pagiging matapat ay isang katangian na laging hinahanap sa isang tao. May nakakakita man o wala, dapat na umakto tayo ng tama at naayon. Kung ikaw ay nagta-trabaho, may nakatingin man o wala dapat na maayos ang iyong trabaho. Sa pag-aaral naman, kahit walang guro o magulang na nakatingin, dapat na maging tapat sa pagsasagot ng mga aralin.

2. Pagiging maka-Diyos

Sa panahon ngayon na napakaraming problemang kinakaharap ng mga tao, isa sa pinakamagandang lapitan natin ay ating Diyos na kaya tayong tulungan at bigyan ng kalakasan sa oras ng kahinaan. Kaya niya rin tayong bigyan ng kapayapaan kung tayo ay nababagabag.

3. Pagiging Malikhain

Malayo ang mararating ng isang taong malikhain. Mula sa mga simpleng bagay ay nakakalikha ng mga nakakamamanghang larawan, musika o ano mang uri ng sining. Kapag laging ginagamit ang talento, lalo itong lumalawak at lalong gumagaling.

Mga katangian na kailangan ng itigil o baguhin:

1. Pagiging tamad

Ang pagiging tamad ay hindi nakatutulong sa isang tao. Hindi nagagawa ng taong tamad ang kanyang mga tungkulin. Kahit gaano kagaling o katalino ang isang taong tamad, wala pa rin syang mararating.

2. Pagiging matatakutin

Ang pagiging matatakutin ay hindi maganda sa mental na kalusugan ng isang tao. Palaging naiisip ang pinakamasamang pangyayari sa isang pagkakataon. Maraming hindi nagagawa ang isang taong matatakutin pagkat hindi niya kayang labanan at harapin ang mga pagsubok o ang kahit simpleng situwasyon lamang sa buhay.

3. Pagiging pesimista

Ang pag-iisip ng mga bagay na negatibo ay isang katangian na dapat mawala sa isang tao. Kailan itong mapalitan ng pag-iisip na puno ng pag-asa. Kung palaging negatibo ang nasa isip, tiyak na iyon din ang mangyayari sa buhay ng taong iyon.

Para sa karagdagang impormasyon, pumunta sa

brainly.ph/question/310341

Hope this helps! :)

#BRAINLYFAST