1. May dokumentaryong ebidensiya - mga patunay na maaaring nakasulat, larawan o
video.
2. Kapani-paniwala - ipinakikita ng salitang ito na ang mga ebidensiya, patunay, at
kalakip na datos ay kapani-paniwala at maaaring makapagpatunay
3. Taglay ang matibay na konklusiyon - isang katunayang pinalalakas ng ebidensiya,
pruweba, o impormasyong totoo ang konklusiyon
4. Nagpapahiwatig - hindi direktang makikita, maririnig, o mahihipo ang ebidensiya
subalit sa pamamagitan ng pahiwatig ay masasalamin ang katotohanan
5. Nagpapakita - salitang nagsasaad na ang isang bagay na pinatutunayan ay totoo o tunay
6. Nagpapatunay/Katunayan - salitang nagsasabi o nagsasaad ng pananalig o paniniwala
sa ipinahahayag
7. Pinatutunayan ng mga detalye - makikita mula sa mga detalye ang patunay sa isang
pahayag. Mahalagang masuri ang mga detalye para makita ang katotohanan ng
pahayag.
Halina’t ating tuklasin ang kahalagahan ng mga pahayag sa pagbibigay ng mga patunay sa
pang-araw-araw nating pakikipagtalastasan sa ating kapwa.