Ang Kahulugan ng Paglilimbag

Ang paglilimbag ay isang uri ng pagpapahayag sa pamamagitan ng pag-imprinta ng mga letra, salita, o buong pangungusap at maging mga larawan upang makabuo ng isang pahina ng artikulo o isang buong libro


Noong unang panahon, noong hindi pa uso ang teknolohiya, ang paglilimbag ang pangunahing medium para makapagpahayag o mag bahagi ng impormasyon. Nauso noon ang mga komiks, diyaryo, magasin, mga peryodiko, at marami pang iba. Ang mga ito ay halimbawa o mga resulta ng paglilimbag

Ngunit dahil sa mga makabagong teknolohiya, bagaman ay may natitira pa tulad ng diyaryo, ay kapansin-pansin parin ang paghina sa pagtangkilik nito. Ang mga komiks ay kadalasan na lamang gingawang koleksyon ng iilan.

Ang Sining na Paglilimbag o Printing ay paraan ng pag imprenta at paggawa ng isang teksto, magasin, larawan, letra at iba pa. Ito ay isang paraan ng paglipat ng larawan na naiguhat at naiukit. Ang sining ng paglilimbag ay isang paraan o maaaring gamitin sa pagkukwento, ang paglilimbag ay paraan ng pagtala ng kasaysayan ginagamit rin ito sa pagkukuwento gamit ang mga larawan.

Monoprint

Intaglio

Aquatint

Engraving

Etching

Mezzotint

Woodblock print o block print

Linocut

Silkscreen o serigraph

Dry point

Ang paglilimbag ay isa sa mga gawaing pansining na magagawa sa pamamagitan ng pag-iwan ng bakas ng isang kinulayang bagay. Ito ay maaaring maisagawa sa pamamagitan ng iba't ibang bagay na matatagpuan natin sa paligid.

Mga Kagamitan sa Paglilimbag

Oslo paper o kahit anong papel

Water paint o kahit anong pangkulay

Bagay na panglimbag (dahon, kahoy, calamansi, goma, brush)

Mga Hakbang sa Paglilimbag

1. Ihanda ang mga kagamitan.

2. Kulayan ang bahagi ng mga bagay na gagamitin sa paglilimbag. Siguraduhin na ang bagay na gagamitin ay mag iiwan ng bakas.

3. Ilapat sa papel ang kinulayang bahagi sunod sa disenyo na ninanais.

4. Patuyuin upang hindi maghalo halo ang kulay