Isulat ang TOTOO kung nangyayari sa tunay na buhay ang mga sinasabi ng pahayag; HINDI naman ang isulat kapag malayong mangyari.

1. May dalawang klase ng tao: isang nanloloko, at isang nagpapaloko.
2. Iniisip madalas ng isang tao kung ano ang sasabihin tungkol sa kanya ng kanyang mga kaibigan o kakilala.
3. Sa maraming pagkakataon, pinaniniwalaan nating nagsasabi nang tapat ang bata.
4. Minsan, pinaniniwalaan ng isang tao ang gusto niya lang paniwalaan.
5. Madalas, sinasabi natin sa iba ang gusto nilang marinig kahit hindi ito ang totoo.
6. Responsibilidad ng pinuno na pamahalaan ang anumang katiwalian o korapsyon na nangyayari sa gobyerno.
7. Isang pangangailangan ng tao ang makatanggap ng papuri o pagpapahalaga sa kanyang itsura, angking kakayahan o mga nagawang buti.
8. May mga taong ang nabubuong desisyon ay kung ano ang nakikita o nalalaman niyang desisyon din ng marami.
9. Napipilitan ang isang tao na magsinungaling, "sumipsip" o gumawa ng di-nararapat upang manatili sa trabaho o bigyang-kasiyahan ang taong may mataas na posisyon.
10. Tutol man ang kalooban, napipilitan ang isang tao na sumang-ayon sa paniniwala o opinyon ng marami, o gawin kung ano ang kanilang ginagawa. ​