Gawain sa Pagkatuto Bilang 2:

PANUTO: Basahin ang kuwento sa ibaba at sagutin ang mga kasunod na katanungan.
Ang Aking Pinahahalagahan at Nalinang na Birtud
Pitong magkakapatid sina Joven. Gumagawa ng banig ang kaniyang ina samantalang walang permanenteng trabaho ang kaniyang ama dahil sa karamdaman nito. Dahil sa kahirapan, hindi sila nakapagpagawa ng isang disenteng bahay. Tagpi-tagpi ang dingding nito, bagamat yero ang bubong ay may mga butas. Masikip para sa siyam na tao ang maliit na espasyo ng bahay na nagsisilbing sala, kusina, kainan at tulugan ang buong kabahayan. Sa gabing maulan, magugulantang ang pamilya sa buhos ng ulan sa kanilang higaan kaya’t inuumaga silang nakaidlip nang nakaupo habang nakapayong at kalong ang nakababatang kapatid.
Sa umagang may pasok sa eskuwelahan, bagama’t hindi siya napakaaga hindi naman siya nahuhuli mula sa isa at kalahating kilometrong paglalakad mula sa kanilang bahay hanggang sa eskuwelahan. Malinis siyang manamit kahit pa nag-iisa lamang ang kaniyang pantalon at polo na pangpasok na kailangan niyang labhan sa hapon upang magamit niya kinabukasan. Ipinagpapasalamat niya na mayroon siyang isang pares ng sapatos na bigay ng kaibigan ng kaniyang ama. Sa tanghalian, nakakaraos ang kaniyang pagkain mula sa tirang baon ng kaniyang mga kaklase na ibinabahagi sa kaniya.
Sa kabila nang lahat ng ito, masayahin, masigla at puno ng buhay si Joven. Matalino, nangunguna sa talakayan, matataas ang marka at magaling na pinuno. Hindi mababakas sa kaniya na pinagdaraanan niya ang mga sakripisyong nabanggit dahil sa kaniyang positibong pagtingin sa buhay. Dahil sa angking talino sa pagguhit, binabayaran siya ng kaniyang mga kamag-aral sa drawing na pinapagawa nila. Dahil matalino, nagpapaturo ang mga anak ng kanilang kapitbahay sa kanilang mga aralin at inaabutan siya ng mga magulang nila ng kaunting halaga. Sampung piso man ito o limampung piso, ibinibigay niya ito sa Binabati kita dahil sa iyong ipinakikitang husay sa naunang gawain. Nakilala mo ang pagkakaugnay ng pagpapahalaga at birtud. Ngayon naman, basahin mo ang kuwento sa buhay ni Joven. Sundin ang nakasaad sa panuto na makikita sa ibaba.7 kaniyang ina pandagdag sa kanilang gastusin. May mga araw na walang pasok na kailangan niyang magmaneho ng Sikad-sikad (pedicab na de padyak) para matulungan ang pamilya at matustusan ang ilang pangangailangan sa pag-aaral nilang magkakapatid. Niyaya din siya ng kaniyang mga kaibigan sa ilang mga lakaran subali’t mas pinipili niya ang makauwi agad at makatulong sa kaniyang ina at magawa ang mga gawain.
Ang liwanag na tumatagos mula sa siwang ng kanilang dingding na nagmumula sa ilaw ng kanilang kapitbahay ang tanging tanglaw nila sa gabi. Wala man silang mesa at upuan, hindi ito sagabal sa kaniyang pag-aaral. Kahit minsan hindi siya pumasok ng klase nang hindi ginawa ang takdang aralin at walang proyekto. Ang poste ng ilaw sa kalyeng malapit sa kanilang bahay ang naging saksi ng kaniyang pagpupursigi. (Mula sa: Kagawaran ng Edukasyon. Edukasyon sa Pagpapakatao Baitang 7, Modyul Para sa Mag-aaral (Pasig City: Kagawaran ng Edukasyon, n. d.), 183-184.

Mga Tanong:
1. Ano ang pinahahalagahan ni Joven sa buhay na nais niyang abutin?
2. Ano-ano ang kaniyang mga pinagdaanan sa buhay na nakahahadlang sa kaniya sa pag-abot nito?
3. Ano-ano ang ginawa niya upang malampasan ito?
4. Ano ang nalinang sa kaniyang pagkatao dahil dito?
5. Paano nagkakaugnay ang pinahahalagahan ng tao sa kilos o gawain niya

pasagot nito dapat tama,kumpleto at maayos kasi 12 points to.
​