Answer:

1. Paglalarawan

- Ang COVID-19 ay isang nakakahawang sakit na maaaring kumalat mula sa isang tao patungo sa ibang tao, na may sintomas tulad ng lagnat, ubo, pamamaga ng lalamunan, at hirap sa paghinga. Ang nasabing sakit ay walang pinipili kung sino ang bibiktimahin, ikaw man ay may kakayahan o nangangailangan sa buhay, bata man o matanda, o anuman ang kasarian mo.

2. Pagsasalaysay

- Ang mga negosyo kagaya ng restaurants, food stalls, at maliliit na tindihan na ating madalas makita o abala sa labas ay limitado na lamang ang transaksyon ngayon o di kaya ay tuluyan na lamang nagsara dulot ng pandemya. Ang ilan namang negosyante ay nalulungkot at tila nawawalan na ng pag-asa dahil sa tumal ng benta at mababang kita na magdudulot upang tuluyan na nilang isara ang kanilang pinagkakakitaan.

3. Paglalahad

- Ang ilang hakbangin upang maiwasan at mapabagal ang pagkalat ng sakit ay ang pagkakaroon ng kaalaman ukol sa nasabing bayrus. Maisasakatuparan ito kung tayo ay mag-iingat at susunod sa mga health protocols: social distancing, pagsuot ng face mask, reggular na paghuhugas ng kamay, at paggamit ng alkohol.

4. Pangangatwiran

- Ang bakuna ang pinaniniwalaang pinakamagandang laban at paraan upang makabalik na sa normal na buhay. Dahil bukod sa pinag-aralan itong mabuti at masusing siniyasat ng mga dalubhasa sa agham at may kinalaman sa larangan ng kalusugan, subok na rin ito sa ibang panig ng mundo.

5. Sanhi at Bunga

- Ang hindi mapigilan na paglabas-masok at paglabag sa health protocols ang pinakaunang dahilan kung bakit ang Pilipinas ay nakararanas pa rin ng pagdami ng kaso ng COVID-19.