ESP


Gawain sa Pagkatuto Bilang 1: Basahing mabuti ang sumusunod na sitwasyon. Piliin at isulat ang titik ng tamang sagot sa bawat katanungan. Gawin ito sa iyong sagutang papel.

1. Ang inyong barangay ay naglunsad ng proyektong “Magtipon ng mga Buto at Binhi” para sa pagtatanim ng mga gulay sa buong lugar. Papaano mo ibabahagi ang iyong oras?
A. Hindi ako mahilig sa halaman kaya ayoko ng ganitong proyekto.

B. Wala akong alam sa mga buto at binhi kapatid ko na lang pasasalihin ko.

C. Magmumungkahi ako ng tindahan na mabibilhan nila ng mga buto at gulay.

D. Ako ay magtitipon ng mga buto at binhi at ibibigay ko sa barangay.

2. May proyektong inilunsad sa inyong pamayanan. Ito ay ang pagtatanim ng puno sa tabi ng kalye at pangunahing lansangan. Paano ka lalahok dito?

A. Hindi ako interesado kaya di ko sila papansinin.

B. Ako ang kukuha ng kanilang larawan.

C. Makikipagkumustahan ako sa mga kasapi.

D. Lalahok ako at aalamin kung paano makatutulong.

3. Ang pangulo ng Homeowners Association sa inyong subdibisyon ay nagpatawag ng pulong para sa kabataang tulad ninyo para sa ilulunsad na bagong proyektong “Halamang Gamot Para sa Kalusugan”. Papaano mo ibabahagi ang iyong oras sa proyektong ito?

A. Bata lang ako kaya hindi na lang ako dadalo sa pulong.

B. Magdadahilan ako na hindi ako pinayagan ng aking magulang.

C. Hindi ako interesado dahil wala akong pakialam sa proyekto.

D. Dadalo ako sa pulong upang malaman ang aking maitutulong.

4. Nakatira kayo sa isang apartment. Walang bakanteng lote na mapagtaniman sa harap o likod ng inyong tirahan. Nais mong makilahok sa proyektong pagtatanim ng gulay. Ano ang iyong gagawin?
A. Magtatanim ako sa mga paso at lata.

B. Iisip na lamang ako ng ibang proyekto.

C. Bibili ako ng artipisyal na halaman.

D. Kalilimutan ko na lang ang pagsali.

5. Ang Community Extension Services Unit ng isang paaralan na malapit sa inyong lugar ay maglulunsad ng isang programa tungkol sa “Gulayan sa Bakuran” na makatutulong sa inyong lugar. Ano ang iyong gagawin?

A. Maglalaro na lang ako dahil hindi ko gusto ang pagtatanim.

B. Wala akong pakialam sa pagtatanim ng gulay sa aming bakuran.

C. Dadalo ako sa isasagawang paglulunsad ng proyekto.

D. Hindi ako dumalo pa dahil alam ko na ang mga sasabihin nila.