Enrichment Activity #3 (Modyul 14)

Venn Diagram
Ang karahasan sa paaralan o sa kahit na saang lugar ay bunga ng pagtalikod ng taong gumagawa nito sa tunay at dalisay na kahulugan ng pagmamahal. Kahit na sino ay sasang-ayon na kapag mananatili ang pagmamahal sa gitna ng lahat ng ugnayan ay walang sinuman ang makaiisip na magdulot ng sakit o panganib sa buhay ng kaniyang kapwa. Ngunit katulad naman ng anumang halaman o puno ito ay kailangang ipunla, alagaan at palaguin dahil matututuhan lamang ang magmahal kung ito ay naiparamdam o naiparanas.
Sa obra-maestrang Florante at Laura inyong nakilala sina Aladin at Florante, batay sa kanilang paglalahad ng sariling mga kuwento ng buhay. Sa paanong paraan ninyo maihahambing ang dalawang binata? Gamit ang Venn Diagram ilahad ang kanilang pagkakaiba at pagkakatulad at anong mga diskriminasyon o pambubulas ang kanilang kinaharap sa buhay? Sa ilalim ng gagawing Venn diagram magbigay ng inyong payo kung paano makaiiwas sa diskriminasyon upang makamit ang kapayapaan sa bawat isa.