Mahal kong kaibigan,

Kumusta ka na? Kung ko ang tatanungin, maayos naman ang aking kalagayan ngunit nababagot na talaga ako sa bahay. Malapit na pala ang bakasyon, malapit ko na ring maisakatuparan ang aking mga plano para roon. Sumulat ako upang maipabatid sa iyo na kasama ka sa mga plano kong iyon.

Isa sa mga plano ko ay ang magbakasyon sa probinsiya. Nais kitang isama at ang iba pa nating mga kaibigan. Doon ay magka-campfire tayo sa tabing-ilog, magkakaroon ng salu-salo at higit sa lahat, kasiyahan. Magpaalam ka muna sa iyong mga magulang at nawa, kayong lahat ay payagan.

Iyon lamang ang gusto kong sabihin. Inaasahan ko ang iyong sagot. Lagi kang mag-iingat.

Nagmamahal,

Ang iyong kaibigan