Basahin at unawain ang kuwento Alamat ng Bayabas Sa isang kaharian, ay may isang sultan na ubod ng lupit at hindi kumikilala ng katarungan. Siya si Sultan Barabas. Lubha siyang kinatatakutan ng mga tao dahil sa kanyang kalupitan. Batas na dapat sundin ang mga salita ni Sultan Barabas. Ang hindi sumunod sa kaniya ay may katapat na mabigat na kaparusahan. Matanda at bata, lalaki at babae ay pinarurusahan niya. Iyon ay upang magkaroon daw ng kadalaan at hindi na umulit ang mga taong nagkasala. Nabibihisan siya ng magagara at mamahaling damit. damit. Laging nakalagay sa kanyang ulo ang gintong koronang ipinasadya pa niya sa malayong bayan. Ang koronang iyon ay isinusuot niya saan man magpunta, pagpapakita ito ng kanyang kapangyarihan at pagiging mataas sa lahat.​