Basahin at unawain ang diyalogo. Tukuyin kung PANDIWA, PANG-URI o PANG-ABAY ang tinututukoy nang nakasulat na malaking letra sa diyalogo.

1. Ysabelle: Eliza, magkakaroon RAW ng face to face sa darating na Marso. Totoo ba ito?
2. Eliza: Totoong MAGSASAGAWA sila ng Face to Face pero piloting pa lamang iyon. Dalawang buwan lamang iyon isasagawa.
3. Louie: Iyan rin ang balita sa amin ni Nanay. Masaya siyang nagkuwento sa amin pagkatapos niyang dumalo sa isinigawang pulong sa paaralan KAHAPON.
4. Ricky: MEDYO kinakabahan si Nanay nang marinig ang balitang iyan dahil wala pa akong bakuna. Gusto kong mapasama sa Face to Face pero sina Nanay at Tatay pa rin ang masusunod kung papayag sila.
5. Eliza: S'yembre naman! MAPAGMAHAL kasi ang ating mga magulang kaya lubos silang nag-aalala sa kasalukuyang sitwasyon.
6. Ricky: Sinabi mo pa. LUBHANG inaalagaan tayo ng ating mga magulang kung kaya patuloy nila tayong pinakakain ng mga masusustansiyang pagkain.
7. Ysabelle: Ninanais na rin nilang tayo ay makabalik sa paaralan kung kaya isang paraan na rin ang pagkakaroon ng bakuna upang maprotektahan ang ating mga sarili. MAGPAPABAKUNA na ako sa darating na Linggo.
8. Louie: Nagpabakuna na ako noong nakaraang Sabado. Ang daming NAKAPILA sa aming pinuntahan kung kaya maya't maya ay naglalagay ako ng alcohol sa aking mga kamay.
9. Ricky: Malapit nang ma-low bat ang aking selpon. Mamaya na lang ulit tayo mag-video call. Tutulong na rin ako kay Ate sa paghahanda ng pananghalian sa BILOG naming mesa.