Balikan Natin Isang mapagpalang linggo mga Mag-aaral! Alam ba ninyo na napakalaki ng pagpapahalaga at paggalang ng mga Pilipino sa mga magulang? Marami tayong paraan ng pagpapakita ng paggalang sa kanila tulad ng pagmamano, pagsunod sa kanilang mga payo at utos, pag-aalaga sa kanila hanggang sa pagtanda, gayundin ang paggamit ng po at opo sa pakikipag-usap sa kanila. Masasalamin din ang paggalang at pagpapahalaga sa magulang sa ating mga katutubong panitikang pumapaksa sa kapahamakang nangyayari sa mga anak na nagiging suwail sa magulang. Isang halimbawa rito ang “Alamat ng Pinya”, “Alamat ng Unggoy” at iba pang may kinalaman sa hindi pagsunod sa magulang. Bilang isang anak, magbigay ng sariling interpretasyon sa mga salitang ito sa pamamagitan ng paglalahad ng mga salitang maaaring iugnay sa bawat isa. Isulat ang sagot sa kahon.​