Basahin at unawain ang mga bahagi ng tula at sagutan ang mga tanong patungkol dito. Isulat ang iyong sagot sa sagutang papel

PAG-IBIG Jose Corazon de Jesus (1926)
1 Isang aklat na maputi, ang isinulat: Luha! Kaya wala kang mabasa kahit isa mang talata; Kinabisa at inisip mulang ating pagkabata; Tumanda ka't nagkauban, hindi mo pa maunawa.
2 Ang Pag-ibig, isipin mo, pag inisip, nasa-puso! Pag pinuso, nasa-isip, kaya't hindi mo makuro. Lapitan mo nang matagal ang pagsuyo y naglalaho; Layuan mo at kay-lungkot, nananaghoy ang pagsuyo!
3 Ang Pag-ibig na dakila'y aayaw nang matagalan, Parang lintik16 kung gumuhit sa pisngi ng kadiliman. Ang halik na ubos-tindi, minsan lamang na halikan, At ang ilog kung bumaha, tandaan mo't minsan lamang.
4 Ang Pag-ibig kapag duwag ay payapa't walang agos, Walang talon 17, walang baha, walang luha, walang lunos 18! Ang Pag-ibig na matapang ay puso ang inaanod19, Pati dangal, yama't dunong nalulunod sa pag-irog!

Mga Tanong:
1. Ilan ang taludtud sa bawat saknong sa tula?
2. May tugmaan ba sa tula? Magbigay ng halimbawa.
3. Anong klaseng pag-ibig ng tao sa tao ang inilalarawan sa tula?
4. Dinig na dinig sa tula ang mensaheng makabayan. Ano-anong salita o larawan ang bumuo nito?
5. Ano ang paborito mong salita/linya/larawan/bahagi? Bakit?​