Answer:

SALAWIKAIN

Ang salawikain ay mga kasabihan o kawikaan na nagbibigay ng magagandang aral at gabay sa pamumuhay, sa asal, at sa pakikipagkapwa. ng tao. Ito ay isang tuntunin o kautusang kinilala at pinatibay ng karanasan. Ito rin ay nag-uugnay lalong-lalo na sa mga bagay at kapakanang maaaring mangyari o may kahalagahan sa buhay.

MGA HALIMBAWA NG SALAWIKAIN:

1. Pagkahaba-haba man ng prusisyon, sa simbahan din ang tuloy.
2. Ang taong nagigipit, sa patalim man ay kumakapit.
3. Nasa tao ang gawa nasa Diyos ang awa .
4. Kung ano ang puno, siya ang bunga .
5. Kung ano ang itinanim, ay siyang aanihin .
6. Ang mabigat ay gumagaan kapag nagtutulungan.
7. Ang taong walang kibo ay nasa loob ang kulo.
8. Kung may tinanim, may aanihin.
9. Ano man ang iyong gagawin, makapitong beses dapat iisipin.
10. Sala sa lamig, sala sa init.
11. Ang tunay na kaibigan, makikilala sa oras ng kagipitan.
12. Aanhin pa ang damo kung patay na ang kaayo.

SAWIKAIN

Ang sawikain o idiyoma ay mga salitang patalinhagang karaniwang ginagamit sa araw-araw. Ito ay nagbibigay ng di-tiyak na kahulugan ng salitang isinasaad nito.

MGA HALIMBAWA NG SAWIKAIN:

1. Anak-dalita - mahirap
2. Bukal sa loob - mabait
3. Usad-pagong - mabagal
4. Mahigpit na pamamalakad -- malupit
5. Hinahabol ng karayom – may sira ang damit
6. Parehong kaliwa ang paa – hindi marunong sumayaw
7. Tulain mo na lamang – hindi magaling umawit
8. Parang suman – masikip ang damit
9. Basang sisiw – kaawa-awa
10. Batang-isip - walang muwang
11. Huling baraha – natitirang pag-asa
12. Huling hantungang - libingan

KASABIHAN

Ang kasabihan ay tinatawag natin na “saying” na tumutukoy sa mga pangungusap na madalas nagpapakita ng magandang aral para sa mga tao.

Ang mga kasabihan ay mabisa ring gamitin pangturo sa mga bata ng magandang aral at ng mga realidad sa buhay.

MGA HALIMBAWA NG KASABIHAN:

1. Kapag makitid ang kumot, matuto kang mamaluktot.
2. Ang mabuting ugali, masaganang buhay ang sukli.
3. Kung may tiyaga, may nilaga.
4. Ang kaginhawaan ay nasa kasiyahan at wala sa kasaganahan.
5. Walang umaani ng tuwa, na hindi sa hirap nagmula.
6. Ang gumagawa ng kabutihan, hindi matatakot sa kamatayan.
7. Ang tunay na kaibigan sa ligaya at kalungkutan, ikaw ay sasamahan.
8. Walang mahirap na gawa kapag dinaan sa tiyaga.
9. Kung ano ang itinanim ay siya rin ang aanihin
10. Ang batang hindi nagsasabi ng katotohanan ay hindi maaasahan.

BUGTONG

Ang bugtong ay isa sa mga usong libangan ng mga bata noon. Ito ay mga pangungusap na palaisipan at may nakatagong kahulugan. Ang paglalaro nito ay patalasan ng isip.

MGA HALIMBAWA NG BUGTONG:

1. Langit sa itaas, langit sa ibaba, tubig sa gitna

Sagot: Niyog

2. Ate mo, ate ko, ate ng lahat ng tao

Sagot: Atis

3. Kung tawagin nila ay “Santo” pero hindi naman ito milagroso

Sagot: Santol

4. Ang anak ay nakaupo na, ang ina’y gumagapang pa

Sagot: Kalabasa

5. Maliit na bahay, puno ng mga patay

Sagot: Posporo

6. Dumaan ang hari, nagkagatan ang mga pari

Sagot: Zipper

7. Tubig na nagiging bato, batong nagiging tubig

Sagot: Asin

8. Naligo si Kaka, ngunit hindi man lang nabasa

Sagot: Dahon ng Gabi

9. Bumili ako ng alipin, mas mataas pa sa akin

Sagot: Sombrero

10. May balbas ngunit walang mukha

Sagot: Mais