Ang Pang-abay ay mga salitang nagbibigay-turing sa pandiwa, pang-uri at kapwa pang-abay.

Pang-abay na pamanahon- ay nagsasaad kung kailan ginanap, ginaganap o gaganapin ang kilos o

pangyayari.Maaaring may pananda, walang pananda at nagsasaad ng dalas.

Sumasagot ito sa tanong na Kailan.



Halimbawa: Nagsisimba ang mag-anak tuwing linggo. (Kailan nagsisimba?)

Magpapasa ako ng sagutang papel bukas. (kailan magpapasa?)

Araw-araw ako nagdadasal na sana mawala na ang Covid.(Kailan nagdadasal?)

(Ang mga salitang nakaitalisado ay mga pandiwa na binigyang-turing ng mga salitang tuwing

linggo, bukas at araw-araw)

Pang-abay na Panlunan- ay nagsasaad ng lugar na pinangyarihan ng kilos o pangyayari. Sumasagot sa

tanong na Saan.



Halimbawa: Umakyat sa bundok ang ilang mag-aral upang makasagap ng signal. (Saan

umakyat ang ilang mag-aaral?)

Pinuntahan ng mga guro ang kanilang mga estudyante sa liblib na lugar upang

maabutan ng modyul. (Saan pinuntahan ng mga guro ang mga estudyante?)

(Ang mga salitang nakaitalisado ay mga pandiwa na binigyang-turing ng mga salitang sa

bundok at sa liblib na lugar)
Pang-abay na Pamaraan- ay nagsasaad kung paano ginawa, ginagawa o gagawin ang kilos. Sumasagot

sa tanong na Paano.

Halimbawa: Mahigpit na ipinapatupad ng mga otoridad ang mga alituntuning pangkalusugan.(Paano

ipinapatupad ng mga otoridad ang mga alituntuning pangkalusugan?

Positibong hinarap ng karamihan ang pandemyang nararanasan.(Paano hinarap ng

karamihan ang pandemya?)

(Ang mga salitang nakaitalisado ay mga pandiwa na binigyang-turing ng mga salitang mahigpit at positibo)

C. Bumuo ng sariling pangungusap tungkol sa pandemyang nararanasan ngayon gamit ang

mga nakaitalisadong salita sa bawat bilang na ang gamit ay pang-abay sa loob ng

pangungusap.

1.(noon) ________________
2.(araw-araw) _________________
3.(sa paaralan) __________________
4.(sa bahay) ____________________
5.(matyaga) ____________________
6.(matagal) ____________________


❌(not serious,auto report)❌
​