Ang Alamat ng Palay Noong unang panahon ang mga tao ay walang palay. Ang kanilang kinakain ay gulay, bungang-kahoy, isda, at mga hayop. Sila ay nangangaso sa gubat at nangunguha ng bungang-kahoy sa parang. Sila ay maligaya roon.

Nawala na ang mga hayop sa gubat at iilan na lang ang mga bungang-kahoy. Ang mga tao ay nalungkot. Ang mga lalaki ay nangangaso sa bundok. Sila'y pagod na pagod at gutom na gutom. Sila'y nagpapahinga nang dumating ang mgamagagandang dalaga. Ang mga ito ay engkantada pala. Sila'y makapangyarihan subalit magagalang. Ang mga mangangaso ay kinumbida ng mga engkantada. Sila'y nagpunta sa yungib na may napakarami palang engkantada. Sila'y may reyna. Sila'y nagsaya noon, nag awitan, at nagsayawan.

Nagkaroon ng kainan. Nakita ng mga mangangaso ang malalaking tagayan. Ang mga ito ay punong-puno ng pagkain na puting-puti. Noon lamang sila nakakita ng puti ng pagkain. Matapos ang kainan, ang mga lalaki ay naging bata at lumakas. Sila ay pinainom ng puting alak at naging matalino. Gusto ng umuwi ng mangangaso. Ang reyna ay nagsalita, "Kayo'y bibigyan ko ng butil. Ito'y itanim ninyo sa tag-ulan. Alam kong kayo ay mabubuti kaya iyan ay sisibol at mamumunga. Aanihin ninyo ang bunga. Ang mga butil na inani ay bayuhin at linisin. Ang butil ay magiging bigas. Ito ay lutuin. lyan ang inyong pagkain. Iyan ang kaloob ko sa mga tao. Hala, umuwi na kayo."

Sumunod sa bilin ang mga tao. Ang bigas na niluto ang kauna-unahang kanin sa

daigdig.

1.ano ang pamagat ng kwentong inyong nabasa?
2.sinu-sino ang mga tauhan?Ibigay ang katangian ng bawat isa.
3.ilarawan ang tagpuan sa kwentong nabasa?
4.ano ang pangyayaring naibigan mo sa kwento?ipaliwanag kung bakit ito nagustuhan.
5. alin naman ang pangyayaring hindi mo nagustuhan?bakit?ipaliwanag ang iyong kasagutan.
​​