A. Bilugan ang mga pananda na nagpapahayag ng sariling opinyon. 1. Sa aking palagay, kailangan mo nang magpadoktor. 2. Kung ako ang tatanungin, hindi ako pabor sa ikinikilos niya sa loob ng opisina. 3. Sa ganang akin, mabuti pang tumahimik ka muna para hindi na lumaki ang apoy. 4. Ayon nga sa kasabihan, hindi ukol kung di bubukol. Kaya payo ko sa iyo, hinay- hinay ka muna sa pagkilos, ha? 5. Palagay ko lang, ayos na ito. 6. Nang paglimi-limiin ko ang iyong problema, mabuti pang umalis ka na riyan at ayaw naman nilang lahat sa iyo. 7. Baguhin mo na kasi ang ugali mo. Sa pakiwari ko, ang yabang-yabang mo kasi. 8. Kung ako ang nasa posisyon mo, dapat kang magpasyang mabuti sa mga proyektong iyong aaprubahan. 9. Mag-ingat sa mga pumupuri sa iyo. Batay sa aking karanasan, hindi nila alam ang kanilang pinagsasabi. 10. Sa mabuti kong paghuhusga, ipinakikita mo namang isa kang mabuting anak at kapatid.
​