3. Magtipid sa enerhiya. Ito ang paulit-ulit nating naririnig sa radyo at nababasa sa pahayagan. Lumalakas ang konsumo natin ng enerhiya na nagiging dahilan upang tumaas ang presyo nito. Bukod sa tayo ay umaangkat lamang ng langis sa ibang bansa, ang pagtaas ng halaga ng langis ay hindi mapipigilan dahil sa ang nagtatakda nito ay mga bansang pinagkukunan natin ng langis. Kapag tumataas ang presyo ng langis sa market, tumataas din lahat ang presyo ng bilihin. Kaya ipinapayo ng pamahalaan sa lahat na magtipid sa pagkonsumo ng enerhiya.​